2 Korinti 10:1 - Dadiya NT

¹ Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

2 Korinti 10:1 交叉引用

2 Korinti 10:10

Kaamɨ sʊwa lɛ gɔ, “Langǝn bwangǝn gǝnɔ gǝ dɔ bʊtɔ, nǝn kwaan, a kaa gola na ń kuwo gǝn kǝga jǝbɔ kǝgaɨ, n ke bɔ kwamɨ nǝlɨ, kɛl gǝnɔ tag n ke bɔ kɛl.”

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Galatiya 5:2

Jǝ́ nyʊwa ɨ, mǝ mǝ Bulus, mǝ sʊwa jen nɛ, na jǝ́ jǝla ja biyo jem mwɛnɨ, Kiristi ke bɔ kaa jǝl a daa jen woi.

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

2 Korinti 11:30

Na a yǝlam nyɔ, mǝ maa maa lɨyalɨ, mǝ maa nǝn jʊtǝb nɨ a nʊng gɨyatǝm mǝndɨ.

1 Korinti 2:3

Mǝ bɛ a daa jen woi nǝn gɨyatǝm jǝbɔ taal, jǝbɔ katǝm bʊtɔ kʌbkʌb.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

Filimon 1:9

A kɛl dul swɨkan, a bʊm nyɔ n kela ń ń maa nyɔ, mǝ, Bulus dʊʊ, n wɔ kǝngkɔ tag mǝ bwɛ lɔsomii a kɛl dul Yesu Kiristii.

2 Tasalonikaɨ 3:17

Mǝ Bulus, nǝmǝ mǝ mʊla jem yaltǝm nɨ lɛ nǝn kang mɨɨ. Mǝ maa nyɔ a langǝn bwangǝntɨnɔ gǝm gwam sǝ a nʊng nǝmǝ nǝn kang mɨ. N kanga mǝ mʊlam lɛɨ.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

Galatiya 4:13

Jǝ́ nyǝm twɨla nɨ mǝ maaɨ, nǝn gɔ a bɛ nǝn gola tɨtǝm mǝndɨ a daa jen woi, mǝ bɛ jem nǝn fulon kɛl lǝmɨ nɨ nǝn tɨkǝgaɨ.

2 Korinti 12:5

Mǝ maa maa lɨyal nǝn nʊ nɨ. Mɨ mǝ maa lɨyal lɛ nǝn dul mɨ, na ke bɔ gɨyatǝm mǝndɨ.

2 Korinti 11:21

Mǝ nyʊwa gunidul lɛ a gɨyatǝm mǝndɨ gǝm. Mɨsɔ mǝ maa nǝbɔ gǝm jʊ nɨ lɛ nyɔ! Na kaa nǝl a maa lɨyal gɔ gǝ kaa jǝlɨ, mǝ tǝmɨ mǝ maa maa nyɔ. A daa nɨ, mǝ sʊwa kɛlɔ na nǝ fʌmʌn!

2 Korinti 10:7

Jǝ́ dʌng jʊ nɨ a talɨ! Na nǝl a jǝla gɔ gǝ na a Kiristii, bɛ ga nyǝm gɔ nǝn tǝnǝn nǝ na nyɔ.

2 Korinti 10:2

Mǝ kela jen nɛ ka jǝ́ dǝg ɨ lɛ n yǝlam nǝ sʊwatǝm kɛl nǝn kwaan na n bɛɨ. Mǝ bʊʊla lɛ n sʊwa kɛl nǝn kwaan a nǝb nɨ sʊwa lɛ gɔ jʊ nɨ nǝ maa lɛɨ n maajɨ yoolii.

2 Korinti 7:4

N jǝla nǝn jen dangǝn. Mǝ maa lɨyal lɛ nǝn jen dangǝn. Jǝ́ kʊʊ mɨ nǝl lɛ dangǝn. A mʊgɔ gaalan nǝnɔ gǝm gwam, mǝ maa fulotǝm nǝl lɛ dangǝn.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

2 Korinti 5:20

Gǝ na nyɔ, nǝn do nyiyo Kiristii, Kwaama gǝ jo nǝbɔ a gola nǝn. Nǝn kela jen nɛ a dul kɛl Kiristii, jǝ́ maa fɛkalɨ jǝbɔ Kwaama.

2 Korinti 3:12

Yatǝm nǝl nǝnɔ a jʊ nɨ gǝmɨ, n jʊ kʊʊ nǝm nǝl lɛ dangǝnɨ.

1 Korinti 4:10

Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!

Roma 15:15

Kaam kanjǝl nɨ mǝ mʊla jemi, n jel a talɨ nyangnyang, sǝ n bʊʊla jem a dul lǝma nɨ Kwaama a maa mɨɨ.

Roma 10:20

Ishaya a jel nyangnyang a sʊwa gɔ, Kwaama a sʊwa gɔ, “Nǝb nɨ a saa ɨ bɨɨ, ja nya ɨ. Nǝb nɨ mǝ nʊng dul mǝndɨ a daa ji woi n nǝbɔ a bʌ i bɨɨ.”

Maajɨ Bɛtɔ Twamagɨɨ 8:32

Jʊ nɨ nǝn gǝ mʊlalɨ kɛl Kwaamaɨ nʊ nɨ ja sʊ sʊɨ kiyo lɛɨ gɔ, “Na kwamɨ ja yɔ nǝn gɔ a daa biyotǝmɨ, na bɛ gal yɨm shig a daa nǝ bʊtɨtǝm yitʌn gǝnɔ woi, a na nyɔ, a wum bɔ nyiyo gǝnɔ.

Matta 21:5

“Jǝ́ sʊwa nǝbɔ Sihiyonaɨ jengɔ, ‘Fɔlɔ jenɔ n wɔ bɛ lɛ a daa jen woi, mɨ gung dul lɛ, bɛ lɛ a dʌbʌl lungsong, n kal lungsong.’ ”

1 Korinti 4:21

N wɛ jǝ́ jǝgǝmɨ? N bɛ jem nǝn dwam ka? N bɛ jem nǝn kǝga swɨkan jǝbɔ yʌbtǝm dul ka?

Afisa 3:1

A dul kɛl nɨ, mǝ Bulus, mǝ bwɛ lɔsomi a kɛl dul Kiristi Yesui, sǝ n tɨka jen jǝ́ Bʌtʌbɔ.

Filibii 4:5

Bɛ nǝbɔ gwam a kuwo shigtǝm dul jenɔ. Bɛtǝm Tɛlalɔɨ a dwama.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Filimon 1:19

Nǝmǝ mǝ Bulus, mǝ mʊla mʊn jʊ nɨ lɛ nǝn kang mɨɨ. Mǝ yǝla mǝ ywa ń ywa ń. Mɨsɔ mǝ sʊwa lɛ mǝʊ mǝ bwang mʊn naan kʊlɨgɔ lɛ mʊ nya a kang mɨɨ.