2 Bitrus 2:18 - Dadiya NT

¹⁸ Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

2 Bitrus 2:18 交叉引用

2 Bitrus 2:20

Na na nǝb nɨ a nyǝm gɔ Tɛlalɔ bǝn Yesu Kiristi nǝn Nǝbʊʊlɨɨ, na ja nya bʊʊtǝm a mʊgɔ kanjǝl nɨ kal nǝbɔ lɛ a mʊgɔ yooli nɨɨ, na nǝn gul ja yǝla tag ja dǝg dul jinɔ a mʊgɔ gǝnɨ, nǝn gɔ kʊwa ji lɛɨ, nǝb nɨ yɨm jinɔ bwɨla bwɨla a dɨltǝmɔ gǝm a laa na tɨkǝgagɔ.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Yakubu 5:5

Jǝ́ yɨ yɨm a mʊgɔ lǝma a yooli. Jǝ́ ja lɛ jǝ́ nɔɔ lɛ kanga jǝ́ swɨ lɛɨ. Jǝ́ dʊʊla na yʊwaltɨn nɨ yam kum biyotǝm jinɔ lɛɨ.

2 Tasalonikaɨ 2:4

Nʊ gɔ n nǝ kii. Maa kii lɛ jǝbɔ jʊ nɨ gwam nǝn dun Kwaamaɨ, jǝbɔ kanjǝl nɨ nǝbɔ bǝlá lɛɨ. A gung dul gǝnɔ a laa kanjǝl nɨ gwam. Yɨ yɨ a Kan Kwaaman Kwaamaɨ, sʊwa lɛ gɔ nǝn gɔ gǝ nǝn Kwaama.

Dʊgam Nyangnyang 13:11

Nǝngɔ mǝ kuwo kaa yʊwal bwɨla jel lɛ a mʊgɔ tǝmɨ. Nǝngǝn nǝn jumtɨnɔ yo maamɔ bɛ gal. Kɛl gǝnɔ maamɔ gʌleng sɔɔ dʊʊ.

Yahuza 1:13

Ja maa na fʊnɨ mwɛ wɨma wʊnɨ mʊla lɛɨ, jǝ maa lɨyal lɛ nǝn gunidul jinɔ. Jǝ maamɔ nyanyamɨtɨn nɨ gǝ dǝngla tǝm lɛɨ, wʊnɨ ja fɛka gǝm daa kumtojili nɨ mɨ dɨtǝm woi.

Maajɨ Bɛtɔ Twamagɨɨ 8:9

Kaa nǝl wo dunɔ nǝn Saminu, n nǝ dʊwatǝm mwɛ a tuulɔ gɔ. Maa nǝbɔ Samariyaɨ gǝm jǝ laatǝm kang lɛ. Nʊng dul gǝnɔ lɛ gɔ gǝ kaa gʌleng dalɨ dʊʊ.

Maajɨ Bɛtɔ Twamagɨɨ 2:40

Nǝngɔ a gʊ jim lɔl nǝn kaam kɛltɨnɔ a gǝlalaɨ, a kel ji tag gɔ, “Jǝ́ bʊʊ nǝn dul jenɔ a bwɨlang nǝb nɨ gǝm.”

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

2 Bitrus 2:2

Nǝbɔ a lada wʊnɨ bwangtǝn golantɨn gunidul jinɔ lɛɨ. N kɛl dul jin kaam nǝbɔ soga gola bɨlǝngkɛlɔ lɛɨ.

2 Bitrus 2:7

A jǝg Lutu, nʊ nɨ n nǝ dǝngdǝngɨ, wʊnɨ a nya fitǝm nǝl dangǝn a dul yɨm nǝb kalalɨ nɨ mɨ sa taal Kwaamaɨ lɛɨ.

2 Bitrus 2:14

Wɛl maatǝm bulon a daa ji woi kwangkwang. Ja bo bɔ nǝn maatǝm bwɨlangkɛl. Jǝ swag nǝb nɨ lɛ mɨ nǝn kwaan a nǝtǝm bɨlǝngkɛlɨ. Nǝl jinɔ a yii nǝn wɛl. Dʊʊm nɨ Kwaama lag ji lag, mɨ nyǝmatǝm wo.

2 Bitrus 3:17

Kɛtǝlam mɨ nɨ mǝ swɨ lɛɨ, kanga jǝ́ kwɛl jǝ́ nyǝm kanjǝl nɨ bwɨ bwɨɨ, bɛ jǝ́ nyǝm kaam nǝb nɨ mɨ sa taal Kwaamaɨ lɛɨ, kage mɛlalɨ gabakɛl jinɔ a wɔɔm bʊʊlalɨ jenɔ jǝ́ bǝla bwangtǝm bɨlǝngkɛlɔ.