15 Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.
Nuwo nyɨ ku jelʌn yooligɔ lɛɨ, na ke bɔ nʊ nɨ a nǝ bɨlǝngkɛl gɔ Yesu nǝn Bʊla Kwaamaɨ?
Na ń sʊwa nǝn nyiyo mʊn mɔʊ Yesu nǝn Tɛlalɔɨ, ń nǝ bɨlǝngkɛl a nǝl mʊn mɔʊ Kwaama a gung gǝn a bwaaɨ, mʊ nya nya bʊʊtǝm.
“Gwam nʊ nɨ a jǝla gɔ gǝ na a mɨɨ a kǝga nǝbɨɨ, mǝ tǝmɨ mǝ jǝla jǝla mǝʊ gǝ na a mɨ a kǝga Tɨya mɨɨ nɨ a dʌbʌli.
N gola nɨ jǝ́ nyǝm nʊ nɨ lɛ nǝngǝn nǝn Yʊwa Kwaamaɨ: Gwam nʊ nɨ a jǝla gɔ Yesu Kiristi a bɛ a bʊtɔɨ, nʊ gɔ nǝngǝn nǝn Yʊwa Kwaamaɨ.
Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.
A maa nyɔ tag sǝ nyiyotɨnɔ gwam a sʊwa gɔ Yesu Kiristi nǝn Tɛlalɔ, sǝ ja dʊʊl Kwaama Tɛtɛ.
Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.
Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.
“N sʊwa jen, gwam nʊ nɨ a jǝla gɔ gǝ na a mɨɨ a kǝga nǝbɨɨ, Bʊla Nǝlɨ tǝgǝn jǝla jǝla gɔ gǝ na a gɔ a kǝga bɛtɔ twama Kwaamaɨ.
Mǝ sʊwa nyɔ jʊ a bwɨɨ, nǝb swagtǝmɔ a jel a yooli nɨ a lada, wʊnɨ ja jǝla bɔ gɔ Yesu Kiristi a jel a bʊtɔɨ. Nǝb gɔ n nǝb swagtǝm jǝbɔ nǝb kiim Kiristii.
Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.
Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.
Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.
Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.
Filibus a sʊwa gɔ, “Na ń nǝ bɨlǝngkɛl nǝlɔ wini, jǝ maa mʊn maa.” Nʊ nɨ ja sʊ sʊɨ a jǝla gɔ, “N nǝ bɨlǝngkɛl mǝʊ Yesu Kiristi nǝn bʊla Kwaamaɨ.”]
