1 Timoti 6:2 - Dadiya NT

² Jwaalɛb nɨ tɛlalɔ jinɔ n nǝb nǝtǝm bɨlǝngkɛlɨ, ka ja soga ji lɛ, jʊ a bwɨɨ jǝ kɛtǝlam a daa jen woi. Bɛ ja sʊtǝn maatǝm jwaalɛnɔ, jʊ a bwɨɨ nǝb nɨ nya bwili lɛ a maajɨ jinɔ gǝmɨ, n nǝb bwangtǝm, n nǝb nɨ jǝ swɨ lɛɨ. Bɛ ń mɛla jim, kʊʊ jim nǝl a dul kanjǝl nɨ.

1 Timoti 6:2 交叉引用

Kolosii 4:1

Tɛlalɔtɨnɔ, bɛ jǝ́ ta jwaalɛb jenɔ nǝn bɨlǝngǝn a bʊm bʊmɨ, jʊ a bwɨɨ jǝ́ nyǝm tʌjen jǝ́ nǝngǝn nǝn Tɛlalɔ a dʌbʌl.

1 Timoti 4:11

Bɛ ń mɛla nǝbɔ gǝm, dǝg ji ja bwangtǝn mɛlalɨ gǝnɔ.

Yahuza 1:8

Gǝ na nyɔ tag, nǝb nɨ a sʊlam a dɔ kʊm jeni, ja kalǝm bʊtɔ jinɔ nǝn dʊgam jinɔ. Ja kɔ bwangtǝm fɔlɔnɔ. Ja kal dun bɛtɔ twama Kwaamaɨ.

2 Bitrus 2:10

A ga keli a nǝb nɨ a dǝg dul a mʊgɔ wɛl bwɨlaɨ, wʊnɨ kal ji lɛɨ, jǝbɔ nǝb nɨ soga fɔlɔlɔm lɛɨ. N nǝb nɨ mɨ nǝn guniduli, nǝb kwamǝn dul, mɨ jǝ nyʊwa taal tuwol yʊwatɨn nɨ lɛ nǝn kwaan dʊʊnɨ.

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Titus 2:15

Bɛ ń tɨtǝn sʊwatǝm kanjǝl nɨ. Mʊ gʊ jim lɔl lɛ. Mʊ ga ji lɛ nǝn diil nǝn kwaan. Ka ń jǝla lɛ nǝbɔ a soga ń.

Titus 2:1

Titus, bɛ ń mɛla jʊ nɨ a daa tʌgo a mɛlalɨ nyanɨ.

1 Timoti 5:1

Bɛ ka ń ga lɛ nǝ dʊʊ gǝm wulong. Bɛ ń sʊwa gǝn kɛlɔ na nʊ a bʌ ńi. Bayǝlǝmɔ bɛ ń do ji na kɛtǝlam mʊn.

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

Kolosii 1:4

Nǝn maa nyɔ jʊ a bwɨɨ nǝn nyʊwa fulon nǝtǝm bɨlǝngkɛl jenɔ a mʊgɔ Kiristi Yesui, jǝbɔ swɨtǝmɔ jǝ́ maa nǝb sagsagɔ gǝm lɛ gwamɨ.

Kolosii 1:2

Nǝn mʊla nǝb sagsagɔ gǝm lɛ jǝbɔ kambɔ nɨ a ta swatǝm yaa a mʊgɔ Kiristii a Kolosii. Bɛ lǝmagɔ jǝbɔ yɨm kwamɨgǝn a yɨɨ jǝbɔ jen a daagɔ Tɛtɛ bǝn Kwaama woi.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Afisa 1:15

A dul kɛl nɨɨ, n kwɛl n nyʊwa nyʊwaɨ nǝtǝm bɨlǝngkɛl jenɔ a daa Yesu Tɛlalɔ woi, jǝbɔ swɨtǝm jenɔ tag a dul nǝb nɨ pʌd sagsagɨɨ,

Afisa 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ. Mǝ mʊla nǝb sagsagɔ gǝm lɛ a Afisaɨ, nǝb nɨ a ta swatǝm yaa a mʊgɔ Kiristi Yesui.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Roma 11:17

Na Kwaama a kǝlam kaam kang tɨyantɨnɨ, mɔ mʊ tɨya zaitun kuul nɨ a bwa mʊn naakan jǝbɔ gɨɨ, mʊ nyʊwa lǝma jʌng tɨyang zaitun nɨ lɛ dakini jǝbɔ tangǝn kang tɨyantɨnɨ,

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Matta 23:8

“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb.

Matta 6:24

“Mɨ nʊ nɨ wo maa jwaalɛn nɛ a tɛlalɔtɨnɔ yoi. Gǝ kɔ kɔ win, ga swɨ a wini, gǝ jǝla jǝla nǝn win, mɨsɔ gǝ jǝla lɛ nǝn a wini. Mɨsɔ jǝ́ mʊrka bwangtǝm Kwaamaɨ lɛ jǝbɔ bwangtǝm kemʌn.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,