1 Timoti 3:15 - Dadiya NT

¹⁵ na a yǝlam mǝ ta ta bʊtɔɨ, bɛ ń nyǝm yɨm nɨ a bʊm nǝbɔ yɨ lɛ a mʊgɔ lɔng Kwaamaɨ, wʊnɨ nǝn gɔ mʊrkalɨ nǝb bwangtǝm Kwaamaɨ, a Kwaama Nǝ Kʊlɨɨ. Mʊrkalɨ nǝb bwangtǝm Kwaamaɨ nǝn gɔ tɨya lɔng bɨlǝngkɛlɔ jǝbɔ fʌlʌm gǝnɨ.

1 Timoti 3:15 交叉引用

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

1 Tasalonikaɨ 1:9

Nǝji nǝn kang ji ja nǝ fulon fɔla nɨ nǝn maa a kʊm jeni, kanga jǝ́ bǝlam shomɔ, jǝ́ yǝla jǝ́ bwangtǝn Kwaama kʊlɨgɨɨ jǝbɔ a bɨlǝngkɛlɨ.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

Roma 3:2

Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

Matta 16:16

Nǝngɔ Saminu Bitrus a jǝla gɔ, “Mʊ nǝn Kiristi, Bʊla Kwaamaɨ, Nǝ kʊlɨ.”

Roma 9:26

A daa nɨ Kwaama a sʊwa ji gɔ, ‘Jǝ́ ke bɔ nǝbam mɨ.’ N daa nɨ tag a jo ji gɔ jǝ ‘bɛtɔ lɔ Kwaama Nǝ Kʊlɨɨ.’ ”

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Matta 18:18

“N bɨlǝngǝn mǝ sʊwa jen nɛɨ, jʊ nɨ jǝ́ bwa a tǝm nɨɨ, jǝ bwa bwa nyɔ a dʌbʌl kwama. Jʊ nɨ jǝ́ kwɨ a tǝm nɨɨ, jǝ kwɨ kwɨ nyɔ a dʌbʌl kwama.

Dʊgam Nyangnyang 7:2

Nǝngɔ mǝ kuwo kaa bwɛ twama Kwaamaɨ gwi lɛ a twalɨ, a ta gwalman Kwaama kʊlɨɨ a kang. Nǝngɔ a jo bɛtɔ twama Kwaamaɨ nɨ naalɨ nǝn diil nǝn kwaanɨ, nǝb nɨ ja nǝ ji kwaan nǝtǝm gaalan a tǝm nɨɨ jǝbɔ wɨmaɨ.

Ibranii 12:22

A jenɔ jǝ́ bɛ, jǝ́ la Yem Sihiyonagɔ jǝbɔ Urushalima dʌbʌl kwamagɔ, tuulɔ Kwaama kʊlɨɨ. Jǝ́ bɛ a daagɔ bɛtɔ twama Kwaamaɨ, fʊlkʊblǝntɨn a mʊrka a mʊgɔ nyʊwatǝm fulotǝm nǝlɨ.

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

1 Timoti 4:10

N dul kɛl nɨ bǝ dɔta lɛɨ, jʊ a bwɨɨ bǝ ya nǝl bǝnɔ a daagɔ Kwaama nɨ nǝn Kʊlɨɨ, wʊnɨ nǝn gɔ Nǝbʊʊlɨ nǝbɔ a yoolii gwamɨ, a ga keli a nǝb nɨ a nǝ bɨlǝngkɛlɨ.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

Afisa 4:21

Bɨlǝngǝn, jǝ́ nyʊwa fulon kɛl nɨ a dul Kiristi Yesui, jǝ́ mɛla kɛl bɨlǝngkɛlɔ a dul gǝn.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

Maajɨ Bɛtɔ Twamagɨɨ 14:15

“N wɛ a bwɨ jǝ́ maa lɛ nyɨɨ? Nǝn nǝfitʌm na jen. Nǝn bɛ jem nǝn fulon kɛl lǝmɨ, sǝ jǝ́ yǝla jǝ́ bǝla kanjǝl nɨ a bʊm bɨɨ gǝm gul. Jǝ́ yǝla a daa Kwaama kʊlɨ woi, wʊnɨ a fɛ dʌbʌlɔ jǝbɔ tǝmɨ, jǝbɔ wɨmagɔ jǝbɔ kanjǝl nɨ a mʊgɔ jin gwamɨ.

Yohana 6:69

Nǝn, nǝn nǝ bɨlǝngkɛl, nǝn nyǝm, mɔ Nǝ Sagsag Kwaamaɨ.”

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

2 Timoti 2:20

A mʊgɔ lɔng dʊʊn, kanjǝl maatǝm maajɨgɔ ke bɔ a mʊn jǝbɔ a maalʊ kwaaji woi, a tɨyagɔ jǝbɔ a boligɔ wo. Kaamɨ na maatǝm maajɨ nyan. Kaamɨ ke bɔ na maatǝm maajɨ nyan.

1 Timoti 3:5

Na nǝl a nyǝm bɔ kanga gǝ yɔm lɛ nǝn lɔ gǝnɨ, la dʌng mʊrkalɨ nǝb bwangtǝm Kwaamaɨ nyǝn?

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

2 Korinti 3:3

Jen, jǝ́ nʊng jǝ́ langǝn bwangǝnɔ a jel a daa Kiristi woi a gola maajɨ nǝn. Langǝn bwangǝn nɨ ke bɔ mʊlatǝm mwɛ. Ja mʊla nǝn Yʊwa Kwaama kʊlɨɨ. Ja mʊla bɔ a jǝ mʊlalɨ tɛl. Ja mʊla a mʊgɔ nǝl nǝbɨɨ.

Yohana 18:37

Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

1 Korinti 10:32

Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.

1 Timoti 3:14

Mǝ ya nǝl lɛ mǝ bɛ bɛ a daa mɔ woi mɨsɔ mǝ ta bʊtɔ lɛ. Mǝ mʊla mʊn kanjǝl nɨ lɛ, sǝ

2 Timoti 2:19

Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”

Ibranii 10:21

Na nɨ bǝ nǝngǝn nǝn gʌleng nǝkǝla nɨ a dul nǝbɔ a lɔ Kwaamaɨ,

1 Bitrus 4:17

Kwamagɔ a la, jǝ tǝl maatǝm borangɔ a dul nǝb Kwaamaɨ. Na jǝ tǝl nǝn bǝnɨ, n wɛ bwɨ lɛ a dɨltǝmɔ gǝm a nǝb nɨ a kɔ bwangtǝm fulon kɛl lǝmɨ Kwaamaɨ?