1 Timoti 1:16 - Dadiya NT

¹⁶ Kwaama a ji bʊnǝn mǝndɨ, sǝ Yesu Kiristi a nʊng nǝbɔ kʊtǝm nǝl gǝnɔ jǝbɔ mɨɨ, mǝ nɨ mǝ laa ji bwɨlangkɛlɨ. A maa nyɔ sǝ n yǝlam jǝ nʊngtǝm a kaam nǝb nɨ nǝ bɨlǝngkɛl lɛ a daa gǝ woi, ja nya kʊlɨ nɨ mɨ dɨtǝm woi.

1 Timoti 1:16 交叉引用

1 Timoti 1:13

Galɨgǝn mǝ kal dun Kwaamaɨ lɛ, mǝ nǝ nǝbam gǝnɔ gaalan nɛ, mǝ nyʊwa jim lɛ sul, a ji bʊnǝn mǝndɨ, jʊ a bwɨɨ mǝ maa a mʊgɔ fʌmʌn, mǝ nǝ bɔ bɨlǝngkɛl.

Afisa 2:7

Kwaama a maa jʊ nɨ sǝ joltɨn nɨ bɛ lɛ a kǝgaɨ sǝ a nʊng shilo lǝma gǝnɔ nɨ mɨ dɨtǝm woi jǝbɔ jǝ nya a daa bǝn woi, a mʊgɔ Kiristi Yesui.

Luka 7:47

Mǝ sʊwa ń nɛ, bwɨlangkɛl nɔɔlɨɨ nɨ a maaɨ, ja kǝlǝm gǝm a lada, jʊ a bwɨɨ swɨtǝm gǝnɔ a lada. Nʊ nɨ ja kǝlǝm gǝm dǝmɨ, swɨtǝm gǝnɔ nǝn dǝm nyɔ.”

2 Bitrus 3:15

Bɛ jǝ́ nyǝm bwatǝm nǝl Tɛlalɔ bǝnɨ, gǝ nʊng gǝ swɨ lɛ nǝbɔ a bʊʊ. Kɨla bǝn Bulus wʊnɨ bǝ swɨ lɛɨ, a mʊla jem nyɔ tǝgǝn a nyǝmtǝm nɨ Kwaama a nǝ gǝnɨ.

2 Bitrus 3:9

Tɛlalɔ mɨ gǝ tɨla lɛ nǝn swatǝm yaa gǝnɔ, kanga kaamɨ gǝ do tatǝm bʊtɔ lɛɨ. N nǝ bwatǝm nǝl a daa jen woi. A swɨ bɔ kaa nǝl a kala. Swɨ lɛ nǝbɔ gwam a yǝla a bǝla bwɨlangkɛl jinɔ.

1 Bitrus 3:20

Nǝb nɨ galɨgǝn a bwangtǝn bɔ Kwaama a joltɨn Nuhui, Kwaama a kʊ nǝl nǝn ji nǝn kwama Nuhu swiyom tɨyamwɛng dʊʊnɔ lɛɨ. Nǝn kwama gɔ, nǝbɔ nǝn dǝm nyɔ a bʊʊɨ, nǝbɔ naalǝb a bʊʊ a gola mwɛɨ.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Maajɨ Bɛtɔ Twamagɨɨ 13:39

N daa gǝ woi, nǝb nɨ a nǝ bɨlǝngkɛlɨ ja nya jǝgtǝmɨ, wʊnɨ diil Musaɨ a dwal bɔ a jǝg jii.

Yohana 6:54

Na nʊ nɨ a wo nam bʊtɔ mǝndɨ, a nɔɔ tʊʊm mǝndɨ, nǝngǝn nǝn kʊlɨ nɨ mɨ dɨtǝm woi, mǝ gung gǝn gung a kɔkɔ dɨltǝm tag.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

2 Tasalonikaɨ 1:10

Nǝn di nɨ bɛm lɛɨ, nǝb sagsag gǝnɔ jǝ dʊʊl gǝn dʊʊl. Gwam nǝb nǝtǝm bɨlǝngkɛlɔ jǝ ta ta kang a nyiyo a kɔkɔ gɔ, jʊ a bwɨɨ, jǝ́ nǝ bɨlǝngkɛl nǝn nǝtǝm nyiyogɔ nǝn maa jemi.

Afisa 1:12

sǝ nǝn nɨ nǝ tǝl nǝ ya nǝl galɨgǝn a daagɔ Kiristi woi, nǝn bǝlá dʊʊlǝn gǝnɔ.

Afisa 1:6

A maa nyɔ sǝ bǝ bǝlá dʊʊlǝn lǝma gǝnɔ wʊnɨ a nǝ bǝn nǝn kwan a shu kwaan a mʊgɔ bʊla gǝ nɨ gǝ swɨ lɛɨ.

2 Korinti 4:1

A kwɛl a yǝlam nǝn nǝn maajɨ nɨ a mʊgɔ bʊnatǝm Kwaamaɨ, mɨsɔ nǝn dem nǝl lɛ.

Roma 15:4

Pʌd jʊ nɨ a mʊla mʊlaɨ galɨgǝnɨ, ja mʊla sǝ a mɛla bǝm, sǝ a nǝ bǝn yatǝm nǝl a gola bwatǝm nǝl jǝbɔ kʊʊtǝm nǝl wʊnɨ kɛl Kwaamaɨ a nǝ bǝnɨ.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Luka 23:43

Yesu a jǝla gǝn gɔ, “N sʊwa ń bɨlǝngǝn, dwiyen mʊ dakini jǝbɔ mǝ a dʌbʌl lɔ Kwaamaɨ.”

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

1 Korinti 7:25

A dul nɔɔtǝm nɨ a naa bɔ batǝm woi, mɨ mǝ nǝn jʊ nɨ Tɛlalɔ a sʊwa ɨɨ. Mǝ sʊwa jen kɛl nɨ a kuwotǝm mǝndɨ mǝ nʊ nɨ ja jǝla nǝn mǝ a lǝma Tɛlalɔɨ.