1 Tasalonikaɨ 5:27 - Dadiya NT

²⁷ N kel jen a kǝga Tɛlalɔɨ, jǝ́ kiyo langǝn bwangǝn nɨ a kǝga kambɨɨ gwam.

1 Tasalonikaɨ 5:27 交叉引用

Kolosii 4:16

Na jǝ́ dɨ kiyotǝm langǝn bwangǝn nɨ a kǝga jeni, jǝ́ dǝg ja kiyo a kǝga mʊrkalɨ nǝb bwangtǝm Kwaamaɨ nɨ a Lawudikiyaɨ. Jen tʌjen bɛ jǝ́ kiyo langǝn bwangǝn nɨ nǝbɔ Lawudikiyaɨ twam jem lɛɨ.

1 Timoti 5:21

N mʊrka ń jǝbɔ Kwaama, jǝbɔ Kiristi Yesu, jǝbɔ bɛtɔ twama Kwaamaɨ nɨ ja jǝgamɨ, bɛ ń kɨla kanjǝl nɨ dangǝn, nǝn bɨlǝngǝn. Ka ń maa lɛ swɨtǝm dul.

1 Timoti 5:7

Bɛ ń nǝ nǝb bwangtǝmɔ diiltɨn nɨ, sǝ ja yǝlam mɨ ji nǝn jǝ tuwol.

1 Timoti 1:3

Kanga mǝ kela ń kwama mǝ shum a Makidoniyaɨ, mǝʊ ń yɨ a Afisaɨ, bɛ ń maa nyɔ, sǝ ń mwɛ kaam nǝb nɨ maa mɛlalɨ gabakɛl lɛɨ ja bǝla wo.

Maajɨ Bɛtɔ Twamagɨɨ 19:13

Nǝngɔ kaam Yahudawa nɨ bola lɛ a tuulɔtɨnɨ, jǝ jǝg nǝblaam lɛ, jǝ swɨ lɛ ja maa maajɨ nǝn dun Tɛlalɔ Yesui a nǝb nɨ nǝn nǝblaamɨ. Jǝ sʊwa lɛ gɔ, “Mǝ ga jem diil lɛ nǝn dun Tɛlalɔ Yesui, wʊnɨ Bulus kiyo kɛl gǝnɔ lɛɨ, jǝ́ jela.”

Markus 5:7

A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.”

Matta 26:63

Yesu a gar bɔ kɛl. Nǝngɔ dalɨ nǝkǝla nɨ a bʌ gǝn gɔ, “N mʊrka ń jǝbɔ Kwaama nɨ nǝn kʊlɨɨ, sʊwa nǝn, na mʊ nǝn Kiristi, bʊla Kwaamaɨ.”

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

2 Timoti 4:1

N mʊrka ń jǝbɔ Kwaama, jǝbɔ Kiristi Yesu nʊ nɨ maa borang lɛ a dul nǝb nɨ nǝn kʊlɨɨ jǝbɔ nǝbɔ a bʊla bʊlaɨ. N mʊrka ń jǝbɔ yǝlatǝm gǝnɔ jǝbɔ fɔlɔn gǝnɔ.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

1 Timoti 6:13

N mʊrka ń jǝbɔ Kwaama, nʊ nɨ a nǝ kʊlɨ a kanjǝlɔ gǝm gwamɨ, n mʊrka ń jǝbɔ Kiristi Yesu, wʊnɨ a nʊng nǝtǝm nyiyo nyan a kǝga Buntus Bilatusi,

1 Timoti 1:18

Bʊla mɨ Timoti, mǝ nǝ ń diil nɨ lɛ, a jǝla nǝn sʊwatǝm kɛltɨn nɨ nǝbkuwotǝmkǝgagɔ a sʊwa a dul mʊnɨ. Na ń bwangtǝn diiltɨn nɨɨ, mʊ ta ta kun nyan.

2 Tasalonikaɨ 3:14

Na kaa nǝl a kɔ jʊ nɨ nǝn sʊwa a mʊlalɨ langǝn bwangǝn nɨɨ, bɛ jǝ́ nyǝm gǝn. Bɛ ka jǝ́ mʊrka lɛ dul jǝbɔ gɔ, sǝ a nyʊwa gunidul.

1 Tasalonikaɨ 2:11

Jǝ́ nyǝm nǝn bwangtǝn nɛ nǝn jen kanga tɛ bwɛ gǝ bwangtǝn nɛ nǝn bɛtɔ lɔ gɨɨ.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,