1 Tasalonikaɨ 4:14 - Dadiya NT

¹⁴ Kanga bǝ nǝ bɨlǝngkɛl bǝngɔ Yesu a bʊla, a guni, bǝ nǝ bɨlǝngkɛl bǝngɔ nǝbɔ a bʊla a bwangtǝm Yesui, Kwaama yǝla yǝla nǝn ji jǝbɔ gɔ.

1 Tasalonikaɨ 4:14 交叉引用

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

1 Tasalonikaɨ 4:13

Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 14:13

Nǝngɔ mǝ nyʊwa kaa diil a dʌbʌl kwama sʊwa lɛ gɔ, “Mʊla jʊ nɨ. Bwiligɔ na a nǝb nɨ bʊla lɛ a mʊgɔ maajɨ Tɛlalɔɨ, jʊ a ta a kǝngkɔ a yɔ nǝn a kǝgaɨ.” Yʊwa Kwaamaɨ a sʊwa gɔ, “Ɔɔ jǝ nǝb bwili, jʊ a bwɨɨ jǝ fǝb fǝb a gaalan jinɔ gǝm, jǝ nǝ ji nǝ lǝma a gaalan maajɨ jinɔ gǝm.”

1 Tasalonikaɨ 4:17

A bwangtǝnɨ, bǝn nɨ a bǝla nǝn kʊlɨ a kwama gɨɨ, jǝ do bǝn do sǝ bǝ nya ji a mʊgɔ lul, sǝ bǝ tǝgaka jǝbɔ Tɛlalɔ a dʌbʌl kwama. A kwama gɔ bǝ yɨ dakini bǝnɔ Tɛlalɔ mɨ dɨltǝm wo.

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

2 Tasalonikaɨ 2:1

Kambɔ, a kɛl yǝlatǝm Tɛlalɔ bǝn Yesu Kiristii, jǝbɔ mʊrkatǝm bǝnɔ sǝ bǝ tǝgaka bǝnɔ gɨɨ, nǝn kela jen nɛ,

Roma 14:9

Mɨ nyǝmatǝm wo Kiristi a bʊla, a gun nǝn kʊlɨ, jʊ a bwɨɨ sǝ a yǝlam Tɛlalɔ nǝb nɨ a bʊla bʊlaɨ jǝbɔ nǝb nɨ nǝn kʊlɨ.