1 Korinti 7:19 - Dadiya NT

¹⁹ Nǝ biyotǝm mwɛnɔ, jǝbɔ nʊ nɨ a biyo bɨɨ, mɨsɔ sʊ kaa jǝl lɛ. Jʊ a laa jǝlɨ, n kɨlatǝm diil Kwaamaɨ.

1 Korinti 7:19 交叉引用

Galatiya 6:15

Biyotǝm mwɛn jǝbɔ mɨ biyotǝm mwɛn wo mɨ ji a nyiyo kaa jǝl. Jʊ a nyiyo jǝlɨ nǝn gɔ fwaltǝm fɨ, nǝn gɔ a nyiyo jǝlɨ.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Dʊgam Nyangnyang 22:14

“Bwiligɔ na a nǝb nɨ a gam dwang malǝngtɨn jini, sǝ ja nya gola jatǝm tʊʊl tɨya kʊlɨgɨɨ, sǝ jǝ dɔ nyangatɨn tuulɔngɨ.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

1 Korinti 8:8

Jǝjalǝn mɨsɔ yɔ lɛ nǝn bǝn a daagɔ Kwaama woi. Na bǝ jaɨ, bǝ sʊ bɔ kaa jǝl. Na bǝ ja bɔ tagɨ, bǝ yal bɔ a kaa jǝl.

Roma 3:30

Kanga nɨ Kwaama win swar, dǝg nǝb biyotǝm mwɛnɔ lɛ a yǝlam dǝngdǝng a dul nǝtǝm bɨlǝngkɛlɨ, n kanga dǝg nǝb nɨ lɛ a biyo bɔ mwɛnɨ ja yǝlam dǝngdǝng a gola nǝtǝm bɨlǝngkɛl tʌjii.

Yohana 15:14

Na jǝ́ maa jʊ mǝ sʊwa jen mǝʊ jǝ́ maaɨ, jǝ́ fatǝlam mɨ.

Matta 5:19

Nʊ nɨ a mǝla bɛ diilɔ win a mʊgɔ diiltɨnɔ gǝmɨ, a mɛla nǝbɔ gǝm nyɨɨ, jǝ sʊwa gǝn gɔ nǝn gɔ ga maa dǝm a mʊgɔ fɔlɔn lɔ Kwaamaɨ. A nʊ nɨ a bwangtǝn a mɛla jimi, jǝ sʊwa gǝn gɔ nǝn gɔ gǝ nǝ dʊʊɨ a fɔlɔn lɔ Kwaamaɨ.