1 Korinti 7:18 - Dadiya NT

¹⁸ Gwam nʊ nɨ Kwaama a jo galɨgǝn nǝn biyotǝm mwɛnɨ, bɛ ka ga saa lɛ ga yǝlam nʊ nɨ a biyo bɔ mwɛnɨ. Nʊ nɨ a jo gǝn ga biyo bɔ mwɛnɨ, bɛ ka ga saa lɛ ja biyo gǝm mwɛn.

1 Korinti 7:18 交叉引用

Maajɨ Bɛtɔ Twamagɨɨ 15:5

Nǝngɔ kaam nǝb bwangtǝmɔ, nǝbɔ Farisaɨ, ja gun jǝ tɨlam tɨlamɨ jǝ sʊwa lɛ gɔ, “A yǝlam nyɔ Bʌtʌbɔ a biyo mwɛn. A yǝlam nyɔ ja bwangtǝn diil Musaɨ.”

Maajɨ Bɛtɔ Twamagɨɨ 15:28

Yʊwa Kwaamaɨ a kuwo a bʊm nyɔ, nǝn tǝnǝn nǝn kuwo a bʊm nyɔ, mɨsɔ nǝn ya jem kanjǝl nɨ laa kwaan jenɔ lɛɨ, na ke bɔ kanjǝl nɨɨ.

Maajɨ Bɛtɔ Twamagɨɨ 15:24

Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ.

Maajɨ Bɛtɔ Twamagɨɨ 15:19

“A dul kɛl nɨɨ, n kuwo a bʊm bɔ bǝ kʊwa bǝ yɨɨ Bʌtʌbɔ gǝm, nǝb nɨ a yǝla a daa Kwaama woi.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Maajɨ Bɛtɔ Twamagɨɨ 21:21

Ja sʊwa ji fulon kɛl mʊnɔ gɔ mʊ mɛla Yahudawagɔ gǝm lɛ gwam a kʊm Bʌtʌbi, ja bǝla diil Musaɨ. Mɔ ka ja biyo lɛ bɛtɔ lɔ ji gǝm mwɛn, ka ja bwangtǝn nɛ jǝfʊlǝn bǝnɔ.