1 Korinti 7:17 - Dadiya NT

¹⁷ Bɛ nǝl a yɨ yɨm nɨ Tɛlalɔ a jo gǝn gɔ ga yɨɨ. Bɛ ga yɨ yɨm gǝnɔ kanga Kwaama a jo gǝn a dul gǝnɨ. Wʊnɨ nǝn gɔ diilɔ mǝ nǝ jen nɛ gwam a mʊrkalɨtɨn nǝb bwangtǝm Kwaamaɨ.

1 Korinti 7:17 交叉引用

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

1 Korinti 7:24

Kambɔ, gola nɨ Tɛlalɔ a jo jen a mʊgɔ gǝnɨ, bɛ jǝ́ yɨ wo, Kwaama gǝ na jǝbɔ jen.

2 Korinti 8:18

N wɔ nǝ twam kɨla nǝn nɨ jǝbɔ gɔ, wʊnɨ a nya bǝlátǝm a mʊrkalɨtɨn nǝb bwangtǝm Kwaamaɨ gǝm gwam a dul fulon kɛl lǝmɨ nɨ gǝ sʊwa lɛɨ.

2 Korinti 11:28

A bwangtǝn kanjǝl nɨ gwamɨ, kwangkwang mǝ na a bwantǝm a dul mʊrkalɨ nǝb bwangtǝm Kwaamaɨ gwam.

1 Korinti 7:18

Gwam nʊ nɨ Kwaama a jo galɨgǝn nǝn biyotǝm mwɛnɨ, bɛ ka ga saa lɛ ga yǝlam nʊ nɨ a biyo bɔ mwɛnɨ. Nʊ nɨ a jo gǝn ga biyo bɔ mwɛnɨ, bɛ ka ga saa lɛ ja biyo gǝm mwɛn.

1 Korinti 7:7

N swɨ na nǝbɔ pʌd a yǝlam na mǝ. Kwaama a nǝ kaamɨ lǝma yɨm naakan. Kaamɨ a nǝ ji lǝma yɨm mɨ nǝn naakan.

1 Korinti 14:33

Jʊ a bwɨɨ, Kwaama n ke bɔ Kwaama bwaalɨ, n Kwaama yɨm kwamɨgǝn. Kanga kaam mʊrkalɨ nǝb bwangtǝm Kwaamaɨ maa lɛɨ, bɛ jǝ́ maa nyɔ tʌjen.

Matta 19:12

Kaam nǝbɔ wo ja bʌ ji mɨ ji a lɔ, kaamɨ nǝb a maa jim nyɨɨ, kaamɨ a swɨ bɔ naakan n kɛl dul fɔlɔn lɔ Kwaamaɨ. Gwam nʊ nɨ dwal maatǝmɔ lɛ nyɨɨ, bɛ ga maa.”

1 Korinti 16:1

Kǝngkɔ, a kɛl kɛtǝm kemʌn maatǝm tɨkalɨ mʊrkalɨ nǝb bwangtǝm Kwaamaɨ, kanga mǝ sʊwa nǝb bwangtǝmɔ a Galatiyaɨ, n kanga jǝ́ maam lɛ tʌjeni.

1 Korinti 10:32

Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.

1 Korinti 11:16

Na kaa nǝl saa gʊtǝm lɛɨ, a nǝnɔ nǝ nyǝm bɔ kaa jǝfʊlǝn. Mʊrkalɨ nǝb bwangtǝm Kwaamaɨ nyɔ tʌji.

1 Korinti 11:34

Na kaa nǝl nyʊwa jʊwan nɛɨ, bɛ ga ja a lɔ gɔ, kage mʊrkatǝm jenɔ a gʊ jem borang. Tangǝn kaam katɨgɔ, mǝ nǝ jen nǝ diil na n bɛɨ.

Galatiya 1:22

A kwama gɔ, mʊrkalɨ nǝb bwangtǝm Kwaamaɨ nɨ a mʊgɔ Kiristii a Yahudiyaɨ ja kuwo i bɔ wo nu jǝbɔ nu.

1 Tasalonikaɨ 2:14

Kambɔ, jǝ́ yǝlam jǝ bangal a mʊrkalɨtɨn nǝb bwangtǝm Kwaamaɨ wʊnɨ a mʊgɔ Kiristi Yesui, wʊnɨ a tǝm Yahudiyaɨ, jʊ a bwɨɨ jen tʌjen jǝ́ nɔɔ gaalan a kang nǝb tǝm jenɔ gǝm, kanga ji tʌji ja nɔɔ gaalan a kang Yahudawagɨɨ.

2 Tasalonikaɨ 1:4

A dul kɛl nɨ, nǝn nǝn dul nǝn, n lɨyal nǝn maa lɛ nǝn jen a mʊgɔ mʊrkalɨtɨn nǝb bwangtǝm Kwaamaɨ, n kɛl kʊtǝm nǝl jenɔ, jǝbɔ nǝtǝm bɨlǝngkɛl jenɔ a mʊgɔ gaalan jenɔ nɨ jǝ́ nɔɔ lɛɨ, jǝbɔ gʌtǝm nɨ jen a mʊgɔ gǝnɨ.