1 Korinti 6:11 - Dadiya NT

¹¹ Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

1 Korinti 6:11 交叉引用

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

Maajɨ Bɛtɔ Twamagɨɨ 22:16

Kǝngkɔ n wɛ mʊ yam lɛɨ? Gun ja yʊ ń mwɛ sagsagɔ, ja saalǝm bwɨlangkɛl mʊnɔ a gola jotǝm dun Tɛlalɔɨ.’

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Afisa 5:8

Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 8:33

Nuwo yɔ lɛ nǝn nǝb nɨ Kwaama a jǝgǝmɨ a kan borangɨ? Kwaama nǝn kang gǝn a dǝg ji ja yǝlam nǝb dǝngdǝng a kǝga gǝn.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

Maajɨ Bɛtɔ Twamagɨɨ 13:39

N daa gǝ woi, nǝb nɨ a nǝ bɨlǝngkɛlɨ ja nya jǝgtǝmɨ, wʊnɨ diil Musaɨ a dwal bɔ a jǝg jii.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Galatiya 3:11

Mɨ nǝn nʊ nɨ yǝlam nǝ dǝngdǝng lɛ a kǝga Kwaamaɨ a gola bwangtǝm diili, jʊ a bwɨɨ, “Nʊ nɨ a yǝlam nǝ dǝngdǝng a daa Kwaama woi a gola nǝtǝm bɨlǝngkɛlɨ, yɨ yɨ nǝn kʊlɨ.”

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

1 Korinti 12:2

Jǝ́ nyǝm kwamagɔ jǝ́ Bʌtʌbi, ja swag jen jǝ́ bwangtǝn shomtɨn, wʊnɨ mɨ nǝn nyiyoi.

Ibranii 2:11

Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Galatiya 3:24

Diil nɨ a yǝlam bwaɨ bǝn, wʊnɨ a yɔ nǝn bǝn a kwama Kiristi a bɛmɨ, sǝ bǝ yǝlam nǝb dǝngdǝng a kǝga Kwaamaɨ a gola nǝtǝm bɨlǝngkɛl.

Roma 5:9

Kanga kǝngkɔ bǝ yǝlam dǝngdǝng a gola tʊʊm gǝn, laa na nyǝn a bʊʊtǝmɔ bǝ nya lɛ a nabwɨl Kwaamaɨ a gola gǝnɨ.

Roma 3:24

Kwaama a dǝg ji ja yǝlam dǝngdǝng a mʊgɔ lǝma gǝnɔ gǝm nǝn kwan, ja nya jǝgtǝm dul nɨ a gola Kiristi Yesui.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Roma 4:5

Nʊ nɨ a ya bɔ nǝl gǝnɔ a maajɨ nyatǝmɨ, a ya nǝl gǝnɔ a daa Kwaama woi, Kwaama nɨ dǝg nǝb bwɨlangkɛlɔ lɛ a yǝlam nǝb dǝngdǝngɨ, a kiyo nǝtǝm bɨlǝngkɛl gǝnɔ n dǝngdǝng.

Luka 18:14

“N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Yohana 13:10

Yesu a sʊwa gɔ, “Na nǝl a yʊ bʊtɔ gǝnɔ mwɛɨ, a yǝlam sagsagɨ, mɨsɔ yʊ kaa mwɛ lɛ tag, gǝ saalǝm ka naatɨn gǝn. Jǝ́ sagsag, ke bɔ pʌd jenɔ.”

Yohana 13:8

Nǝngɔ Bitrus a sʊwa gǝn gɔ, “Mɨsɔ mʊ saal mɨ naatɨn lɛ wo.” Nǝngɔ Yesu a jǝla gǝn gɔ, “Na mǝ saal mʊn bɔ naatɨn mʊnɨ, mʊ ke bɔ a mɨ.”

Ibranii 10:29

Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

1 Yohana 2:12

Jǝ́ bɛtɔ dwalǝn mǝndɨ, mǝ mʊla jem lɛ, jʊ a bwɨɨ, Kwaama a kǝlǝm jem bwɨlangkɛl jenɔ a kɛl dun Yesui.

Matta 20:4

Nǝngɔ a sʊwa ji gɔ, ‘Jǝ́ yɔ tʌjen a tɔtwam mɨ ya jǝ́ maa maajɨgɔ, mǝ ywa jen ywa dǝngdǝng jʊ jǝ ywa lɛɨ.’

Yohana 5:4

Jʊ a bwɨɨ, kaam ditɨnɔ kaa bwɛ twama Kwaamaɨ gǝ bɛ bɛ ba mǝg mʊgɔ mwɛ nɨ. Nʊ nɨ a dɔ mwɛmɔ nǝn tɨkǝgaɨ, gǝ nya nya guntǝm a twɨla nɨ gǝ nǝngǝnɨ.]