1 Korinti 4:17 - Dadiya NT

¹⁷ N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

1 Korinti 4:17 交叉引用

1 Timoti 1:2

Mǝ mʊla bʊla mɨ Timoti gǝm lɛ bwɛ nyan mɨ a nǝtǝm bɨlǝngkɛlɔ gǝm. Bɛ Kwaama Tɛtɛ, jǝbɔ Kiristi Yesu Tɛlalɔ bǝn a nǝ ń lǝma, jǝbɔ bʊnatǝm jǝbɔ yɨm kwamɨgǝn.

1 Korinti 16:10

Na Timoti a bɛɨ, bɛ jǝ́ bǝla gǝn a kwɨ bʊtɔ a kʊm jen, jʊ a bwɨɨ gǝ maa maajɨ Tɛlalɔɨ kanga mǝ maam lɛɨ.

1 Korinti 7:17

Bɛ nǝl a yɨ yɨm nɨ Tɛlalɔ a jo gǝn gɔ ga yɨɨ. Bɛ ga yɨ yɨm gǝnɔ kanga Kwaama a jo gǝn a dul gǝnɨ. Wʊnɨ nǝn gɔ diilɔ mǝ nǝ jen nɛ gwam a mʊrkalɨtɨn nǝb bwangtǝm Kwaamaɨ.

2 Timoti 1:2

A yɔ nǝn a daagɔ Timotii, bʊla mɨ nɨ mǝ swɨ lɛɨ. Bɛ lǝmagɔ jǝbɔ bʊnatǝmɔ jǝbɔ yɨm kwamɨgǝnɔ a daa Kwaama Tɛtɛ woi jǝbɔ a Kiristii Yesu Tɛlalɔ bǝn, a ta tʌgo gwanggwang a daa mʊ woi.

1 Korinti 16:1

Kǝngkɔ, a kɛl kɛtǝm kemʌn maatǝm tɨkalɨ mʊrkalɨ nǝb bwangtǝm Kwaamaɨ, kanga mǝ sʊwa nǝb bwangtǝmɔ a Galatiyaɨ, n kanga jǝ́ maam lɛ tʌjeni.

1 Korinti 14:33

Jʊ a bwɨɨ, Kwaama n ke bɔ Kwaama bwaalɨ, n Kwaama yɨm kwamɨgǝn. Kanga kaam mʊrkalɨ nǝb bwangtǝm Kwaamaɨ maa lɛɨ, bɛ jǝ́ maa nyɔ tʌjen.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

1 Korinti 11:2

Mǝ buu jem kang lɛ jʊ a bwɨɨ jǝ́ bʊʊla lɛ nǝn mǝ a kanjǝlɔ gǝm gwam, jǝ́ ta kanjǝlɔ gwam mǝ mɛla jemi.

1 Korinti 7:25

A dul nɔɔtǝm nɨ a naa bɔ batǝm woi, mɨ mǝ nǝn jʊ nɨ Tɛlalɔ a sʊwa ɨɨ. Mǝ sʊwa jen kɛl nɨ a kuwotǝm mǝndɨ mǝ nʊ nɨ ja jǝla nǝn mǝ a lǝma Tɛlalɔɨ.

Dʊgam Nyangnyang 2:13

N nyǝm daagɔ mʊ yǝm woi, n daagɔ Mammɔ maam fɔlɔn nɛɨ sul, ń nǝ bɨlǝngkɛl a dun mɨ gǝm. Mʊ bǝla bɔ nǝtǝm bɨlǝngkɛl a daa mɨ woi, a joltɨn Antibasɨ nǝ tatǝm swatǝm yaa, nǝ nǝtǝm nyiyo a kɛl dul mɨ. Wʊnɨ ja jʌ a kʊm jeni, a daagɔ Mammɔ yǝm woi.

2 Timoti 3:10

Mɔ, ń kwɛl ń nyǝm nyǝmɨ mɛlalɨ mǝndɨ, jǝbɔ gola yɨm mǝndɨ, jǝbɔ jʊ mǝ swɨ maatǝmɔ lɛɨ, jǝbɔ nǝtǝm bɨlǝngkɛl mǝndɨ, jǝbɔ kʊtǝm nǝl mǝndɨ, jǝbɔ swɨtǝm mǝndɨ, jǝbɔ bwatǝm nǝl mǝndɨ.

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

Kolosii 4:9

Yɔ jǝbɔ Onisimus, kɨla bǝn nɨ n nǝ tatǝm swatǝm yaa bǝ swɨ gǝn nɛɨ, wʊnɨ gǝ na a kʊm jeni. Nǝji jǝ sʊwa jen jʊ nɨ lɛ bwɨ lɛɨ.

Kolosii 1:7

Jǝ́ mɛla nyɔ a daagɔ Abafaras woi, nʊ nɨ nǝn swɨ lɛɨ, fwalɨ maajɨ nǝn. N nʊ a ta swatǝm yaa a do nyiyo nǝnɔ a maajɨ Kiristii.

Filibii 2:19

Mǝ ya nǝl lɛ a daagɔ Tɛlalɔ Yesu woi, mǝ tʊng jem tʊng Timoti mɨ tatǝm bʊtɔ wo, sǝ n nya kwaan bʊtɔ nǝn nyʊwatǝm fulon jenɔ.

Afisa 6:21

Mǝ swɨ lɛ jǝ́ nyǝm yɨm mǝndɨ jǝbɔ maajɨgɔ mǝ maa lɛɨ. N jʊ a bwɨ mǝ twam Tikikus a daa jen woi. N kɛ nǝ swɨtǝm, n nǝ tatǝm swatǝm yaa a maajɨ Tɛlalɔɨ. Sʊwa jen sʊwa kanjǝlɔ pʌd.

1 Korinti 11:16

Na kaa nǝl saa gʊtǝm lɛɨ, a nǝnɔ nǝ nyǝm bɔ kaa jǝfʊlǝn. Mʊrkalɨ nǝb bwangtǝm Kwaamaɨ nyɔ tʌji.

1 Korinti 4:15

Na na jǝ́ na nǝn bwaɨtɨnɔ fʊlkʊblǝnɔ kʊb a mʊgɔ Kiristii, tɛbɔ jǝ́ nǝnɨ a lada bɔ. Nǝmǝ mǝ tɛtɛ jen a mʊgɔ Kiristi Yesui a gola kiyotǝm fulon kɛl lǝmɨ a daa jen woi.

Matta 25:23

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Matta 25:21

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Matta 24:45

“Nuwo n bwɛ jwaalɛ, n nǝ tatǝm swatǝm yaa jǝbɔ nǝ yʊlanɨ? N nʊ nɨ tɛlalɔ gǝnɔ a ya gǝn dʌngtǝm lɔ gǝnɨ, ya nǝ ji jǝjalǝnɔ lɛ nǝn kwama jǝ jam lɛɨ.

1 Korinti 4:2

Jʊ jǝ swɨ lɛ nǝn nǝb nɨ ja jǝla nǝn jii, bɛ ja yǝlam nǝb tatǝm swatǝm yaa.

Maajɨ Bɛtɔ Twamagɨɨ 16:1

Nǝngɔ Bulus a bɛ a Darba jǝbɔ Listiraɨ. Kaa bwɛ mɛlalɨ wo a Listira dunɔ nǝn Timoti, wʊnɨ nɛnɛ gɔ n bwɛn Yahudiyaɨ, n nǝ nǝtǝm bɨlǝngkɛl. Tɨya gɔ n bwɛ Girika.

1 Korinti 4:14

Mǝ mʊla jem bɔ jʊ nɨ sǝ n nǝ jen gunidul. Mǝ mʊla sǝ n mwɛ jen a dul kɛl nɨ sʊwa lɛ gɔ jǝ́ bɛtɔ lɔ mɨɨ, nǝbɔ mǝ swɨ lɛ nyangǝnɨ.

1 Korinti 11:34

Na kaa nǝl nyʊwa jʊwan nɛɨ, bɛ ga ja a lɔ gɔ, kage mʊrkatǝm jenɔ a gʊ jem borang. Tangǝn kaam katɨgɔ, mǝ nǝ jen nǝ diil na n bɛɨ.

2 Korinti 8:18

N wɔ nǝ twam kɨla nǝn nɨ jǝbɔ gɔ, wʊnɨ a nya bǝlátǝm a mʊrkalɨtɨn nǝb bwangtǝm Kwaamaɨ gǝm gwam a dul fulon kɛl lǝmɨ nɨ gǝ sʊwa lɛɨ.

Filibii 2:22

Jen jǝ́ nyǝm yɨm Timotii kanga nǝn maa maajɨ fulon kɛl lǝmɨ Kwaamaɨ dakinii, maamɔ n tɛ bwɛ jǝbɔ bʊla gɔ.

1 Timoti 1:18

Bʊla mɨ Timoti, mǝ nǝ ń diil nɨ lɛ, a jǝla nǝn sʊwatǝm kɛltɨn nɨ nǝbkuwotǝmkǝgagɔ a sʊwa a dul mʊnɨ. Na ń bwangtǝn diiltɨn nɨɨ, mʊ ta ta kun nyan.

Titus 1:5

Mǝ bǝla ń a Karita sǝ ń tagǝm fɛkatǝm kanjǝl nɨ a bǝlaɨ, sǝ ń ya nǝb dʊʊm bwangtǝmɔ a tuulɔtɨnɔ gǝm gwam, kanga mǝ dǝg ńɨ.