Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.
Na mǝ losam jǝbɔ namɔ kuuli a Afisa a kɛl dul nyatǝm nǝfilii, n bwili wɛ mǝ nyaɨ? Na na ja gung bɔ bwaagɨɨ, na “Ya bǝ ja lɛ, ya bǝ nɔɔ lɛ, kanga bǝ nyǝm fʌng bǝ bʊla bʊlaɨ.”
Na jǝ nǝ nǝn gaalan nɛɨ, nǝn nɔɔ gaalan a kɛl dul jen sǝ a yǝlam jem jǝ yʌbtǝm nǝl jǝbɔ bʊʊtǝm. Na ja yʌb nǝm nǝlɨ, jǝ́ nya yʌbtǝm nǝl tʌjen, wʊnɨ dǝg jen nɛ jǝ́ bwa nǝl tʌjen a gaalan nɨ nǝn nɔɔ lɛɨ.
A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.
