13 Jǝ́ yɨ yɨm fɛkalɨ. Jǝ́ bɨ nǝl a nǝtǝm bɨlǝngkɛl jenɔ gǝm. Jǝ́ kʊʊ nǝl. Jǝ́ tɨ nǝn kwaan.
A dɨltǝmɔ gǝm, bɛ jǝ́ ya kwaanɔ a daagɔ Tɛlalɔ woi jǝbɔ mʊgɔ kwaan dʊʊn gǝnɔ.
Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.
Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.
Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.
A na nyɔ kambɔ, bɛ jǝ́ tɨ a kwam, jǝ́ ta diiltɨn nɨ nǝn mɛla jemi gwanggwang, a nyiyo jǝbɔ mʊlalɨ.
Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.
Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.
Kɛtǝlam mɨ nɨ mǝ swɨ lɛɨ, wʊnɨ mǝ maa gom kuwotǝm jenɔ lɛɨ. Nǝjen jǝ́ jǝ fulotǝm nǝl mǝndɨ jǝbɔ dwang dul nɨ mǝ yo a dul maajɨ mɨɨ. Jǝ́ yɨ nǝn bɨlǝngkɛl a daa Tɛlalɔ woi.
Kǝngkɔ nǝl nǝnɔ a yʌb, na jǝ́ tɨm nǝn kwaan a mʊgɔ Tɛlalɔɨ.
N nɔɔ gaalan, gaalan nyangǝn. N dɨ sʊgɔlɔ. N ta nǝtǝm bɨlǝngkɛlɔ.
Ke bɔ kɛl nʊngtǝm kwaan a nǝtǝm bɨlǝngkɛl jenɔ gǝm nǝn nʊng jen nɛɨ. Mɨ nyɔ. Nǝn maa maajɨgɔ dakini jǝbɔ jen, sǝ jǝ́ maa fulotǝm nǝl, jʊ a bwɨɨ jǝ́ tɨ nǝn kwaan a nǝtǝm bɨlǝngkɛl jenɔ gǝm.
Jǝ́ tɔɔ tǝmɔ, jǝ́ maa keli kage jǝ́ yal a mʊgɔ tɛltǝm. Nǝlɔ swɨ maatǝmɔ lɛ, bʊtɔgɔ a gɨya.”
Jǝ́ ja kǝga nǝn maatǝm keli. Jǝ́ yɨ nǝn fɛkalɨ a mʊgɔ gǝn jǝbɔ buutǝm kang.
Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.
Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.
Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.
Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.
A mʊnɔ bʊla mɨ, bɛ ń tɨ nǝn kwaan a gola lǝma a mʊgɔ Kiristi Yesui.
Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.
A na nyɔ ka bǝ daa lɛ dum kanga kaamɨ gǝ maam lɛɨ. Bɛ bǝ yɨ yɨm nǝn fɛkalɨ jǝbɔ tɔɔtǝm.
N maa keli mǝʊ a mʊgɔ dʊʊlǝn shilo gǝnɔ gǝm bɛ ga sʊ jem kwaan a gola Yʊwa gǝn a nǝl jen,
“Jǝ́ nyʊwa! Mǝ bɛ lɛ na nǝkuu! Bwiligɔ na a nʊ nɨ yǝm nǝn fɛkalɨ, tɨm nǝn dwang dʊʊl gǝnɨ, kage a yɔ kʊnkʊn, a nyʊwa gunidul a talɨ.”
Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.
Jǝ́ yɨ nǝn fɛkalɨ. Jǝ́ kela Kwaamagɔ lɛ kwangkwang, sǝ jǝ́ nya kwaan bʊʊtǝm a kanjǝl nɨ bwɨ lɛ a kǝgaɨ, sǝ jǝ́ tɨ nǝn fulotǝm nǝl a kǝga Bʊla Nǝlɨ.”
“Gǝ na nyɔ bɛ jǝ́ yɨ nǝn fɛkalɨ, jʊ a bwɨɨ jǝ́ nyǝm bɔ kɔkɔgɔ jǝbɔ kemʌnɔ mǝ yǝla mǝ bɛm lɛɨ.
