1 Korinti 15:10 - Dadiya NT

¹⁰ N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

1 Korinti 15:10 交叉引用

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

2 Korinti 3:5

Ke bɔ nǝn nǝn dul nǝn, nǝn sʊwa lɛ gɔ nǝn maa kaa jǝlɨ. Kwaan nǝnɔ a bɛ daagɔ Kwaama woi.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Galatiya 2:8

Kwaama a maa maajɨ a gola Bitrusi, sǝ a maa maajɨ nyan a daa Yahudawagɔ woi, nǝn gɔ tag a maa maajɨ a gola mɨɨ, sǝ n maa maajɨ nyan a daa Bʌtʌbɔ woi.

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

2 Korinti 12:11

N maa jǝ fʌmʌn. Nǝjen jǝ́ sɨna mɨɨ. A yǝlam nyɔ nǝjen na jǝ́ buu mɨ kang lɛɨ, jʊ a bwɨɨ mɨ daa nɨ wo mǝ dwal a kʊm daltɔ bɛtɔ twamagɨɨ, mǝ ke bɔ kaa jǝl sul.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

1 Korinti 4:7

Nuwo a sʊwa ń gɔ ń laa kaamɨ? N wɛ mʊ nǝn, wʊnɨ ke bɔ Kwaama a nǝ ńɨ? Na n yotǝm mʊ yoi, n wɛ a bwɨ mʊ maam lɨyal lɛ maamɔ mʊ yo bɔ yoi?

1 Korinti 15:2

Nǝn gɔ jǝ bʊʊ jen nɛ nǝnɨ, na jǝ́ ta fulon kɛl lǝmɨ nɨ mǝ kiyo jemi a bʊm bʊmɨ. Na jǝ́ ta bɔ a kwamɨ, nǝtǝm bɨlǝngkɛlɔ jenɔ nǝn tɨkǝgaɨ, n jǝl nǝn kwan.

Roma 11:1

Mǝ maa bʌtʌm lɛ, Kwaama a yǝla nǝbam gǝnɔ gǝm gul ka? A fee! Mɨ nyɔ dǝm! Mǝ tǝmɨ nǝn dul mɨ mǝ bwɛ Israila, a guu Ibrahimi, a dʊʊm Biliyaminui.

Matta 10:20

N ke bɔ jen jǝ́ sʊwa kɛl lɛɨ. N Yʊwa Tɨya jeni sʊwa kɛl lɛ a daa jen woi.

1 Korinti 3:6

Nǝmǝ mǝ kwal dʊʊmɨ. Afolos nǝn gɔ a tal mwɛmɨ. Nǝn Kwaama a dʊʊl nǝnɨ.

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.

1 Korinti 15:11

Na nǝmɨɨ, na nǝjii, nǝn sʊwa fulon kɛl lǝmɨgɔ nyɔ, n jʊ jǝ́ nǝ bɨlǝngkɛlɨ.

1 Tasalonikaɨ 5:12

Kambɔ, nǝn kela jen nɛ, nǝb nɨ gʌ lɛ nǝn maajɨ a kʊm jeni, nǝb kotere dʊʊn jenɔ a mʊgɔ Tɛlalɔɨ gʊ jem lɔl lɛɨ, jǝ́ nǝ ji dʊʊn.

1 Timoti 4:10

N dul kɛl nɨ bǝ dɔta lɛɨ, jʊ a bwɨɨ bǝ ya nǝl bǝnɔ a daagɔ Kwaama nɨ nǝn Kʊlɨɨ, wʊnɨ nǝn gɔ Nǝbʊʊlɨ nǝbɔ a yoolii gwamɨ, a ga keli a nǝb nɨ a nǝ bɨlǝngkɛlɨ.

Matta 25:16

Nʊ nɨ a yo kemʌnɔ sʊwagɔ nʊɨ, a ta bɔ bʊtɔ, nǝngɔ ya maa dʌbo nǝn a gǝnɨ, nǝngɔ a nya bwiligɔ sʊwagɔ nʊɨ.