1 Korinti 14:12 - Dadiya NT

¹² Gǝ na nyɔ a daa jen woi. Na nɨ jǝ́ saa nǝtǝm lǝma Yʊwagɨɨ, jǝ́ ya kwaan a fɛkalɨ mʊrkalɨ nǝb bwangtǝm Kwaamaɨ.

1 Korinti 14:12 交叉引用

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.

1 Korinti 14:1

Jǝ́ kwam tʌgo a swɨkanɔ gǝm. Jǝ́ ya kwaan a saatǝm kanjǝl nǝtǝm lǝma Yʊwa. Jǝ́ do kuwotǝmkǝgagɔ a laa ji.

1 Korinti 12:31

Bɛ jǝ́ saa nǝtǝm lǝma nɨ a laa jii. Mǝ nʊng jen nʊng gola nɨ a laa jii.

1 Korinti 12:7

Kwaama a nǝ pʌd bǝnɔ win win lǝma Yʊwa gǝnɔ, sǝ bǝ tɨkaka nǝn.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

1 Korinti 14:5

Mǝ swɨ lɛ gwam jenɔ jǝ́ sʊwa kɛl nǝn kaam nyiyo. Jʊ mǝ swɨ lɛ a laa jǝlɨ, jǝ́ maa kuwotǝmkǝga. Nʊ nɨ a maa kuwotǝmkǝgaɨ, a laa nʊ nɨ a sʊwa kɛl nǝn kaam nyiyoi. Na kaa nǝl fɛta fɛta nǝbɔ jʊ nɨ gǝ sʊwa lɛɨ, ga fɛ mʊrkalɨ nǝb bwangtǝm Kwaamaɨ.

1 Korinti 14:13

Nʊ nɨ sʊwa kɛl lɛ nǝn kaa nyiyoi, bɛ ga maa keli, Kwaama a nǝ gǝn lǝma fɛtatǝmɔ.