1 Korinti 12:13 - Dadiya NT

¹³ Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

1 Korinti 12:13 交叉引用

Afisa 4:5

Tɛlalɔ win, nǝtǝm bɨlǝngkɛlɔ win, yʊtǝm mwɛ sagsagɔ win.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

Roma 3:29

Kwaamagɔ n Kwaama Yahudawagɨɨ kwaaji ka? Ke bɔ a Bʌtʌbi tʌji ka? N bɨlǝngǝn na a Bʌtʌbi tʌji.

Maajɨ Bɛtɔ Twamagɨɨ 1:5

Yohana a yʊ nǝbɔ mwɛ sagsagɔ nǝn mwɛ. Mɨsɔ kumɔ gǝlala lɛ, jǝ yʊ jen nǝn Yʊwa Kwaamaɨ.”

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Luka 3:16

Nǝngɔ Yohana a sʊwa ji gwam gɔ, “Mǝ, mǝ yʊ jen mwɛ sagsag nǝn mwɛ. A nʊ nɨ bɛ lɛɨ, wʊnɨ a laa ɨ dʊʊnɨ, mǝ la bɔ nyɔ n kwɨ dwang twam gǝnɔ. Nʊ gɔ yʊ jen mwɛ sagsag nǝn Yʊwa Kwaamaɨ jǝbɔ kǝla.

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 1:33

A kwama gɔ mǝ nyǝm bɔ mǝʊ nǝn gɔ. Kwaama nɨ a twam mɨ gɔ n yʊ nǝbɔ mwɛ sagsagɨɨ, nǝngɔ a sʊwa ɨ gɔ, ‘Nʊ nɨ mʊ kuwo Yʊwa Kwaamaɨ a gǝla a yɨ a dul gǝnɨ, nǝn gɔ yʊ nǝbɔ mwɛ lɛ nǝn Yʊwa Kwaamaɨ.’

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Galatiya 3:23

Nǝn kwama nɨ bǝ nǝ bɔ bɨlǝngkɛl a daa Yesu woi, diil nɨ a kubʌl bǝn ba la nǝn kwama nǝtǝm bɨlǝngkɛlɔ ba jelʌmi.

1 Korinti 10:2

Gwam jinɔ ja yʊ ji mwɛ sagsag a lul jǝbɔ wɨma, ja yǝlam nǝb bwangtǝm Musaɨ.

Yohana 6:63

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Afisa 6:8

Jǝ́ nyǝm Tɛlalɔ nǝ nǝ bwili a nʊ nɨ pʌd a maa jǝ nyaɨ, na gǝ bwɛɨ, na gǝ bwɛ jwaalɛɨ.

Roma 4:11

Biyotǝm mwɛn nɨ ja maa gǝmɨ, gǝ nʊng dǝgtǝm kang gǝ ga yǝlam dǝngdǝng a gola nǝtǝm bɨlǝngkɛl nɨ gǝ nǝngǝn na lǝga bɔ ja biyo gǝm mwɛnɨ. N jʊ nɨ a dǝg gǝn ga yǝlam tɛ bwɛ a nʊ nɨ gwam a nǝ bɨlǝngkɛlɨ, ja biyo bɔ mwɛn, ja kiyo ji a mʊgɔ nǝb dǝngdǝng.

Yohana 1:16

A nǝ bǝn lǝma pʌd a dul lǝma jʊ a bwɨɨ n gʌleng swɨtǝm gǝnɔ a ladaɨ.

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.