1 Korinti 11:34 - Dadiya NT

³⁴ Na kaa nǝl nyʊwa jʊwan nɛɨ, bɛ ga ja a lɔ gɔ, kage mʊrkatǝm jenɔ a gʊ jem borang. Tangǝn kaam katɨgɔ, mǝ nǝ jen nǝ diil na n bɛɨ.

1 Korinti 11:34 交叉引用

1 Korinti 7:17

Bɛ nǝl a yɨ yɨm nɨ Tɛlalɔ a jo gǝn gɔ ga yɨɨ. Bɛ ga yɨ yɨm gǝnɔ kanga Kwaama a jo gǝn a dul gǝnɨ. Wʊnɨ nǝn gɔ diilɔ mǝ nǝ jen nɛ gwam a mʊrkalɨtɨn nǝb bwangtǝm Kwaamaɨ.

1 Korinti 4:19

Mǝ bɛ bɛ a daa jen woi mɨsɔ kʊta lɛ, na Tɛlalɔ a jǝlaɨ. Mǝ fɨɨ fɨɨ sǝ n kuwo kwaan nǝb nɨ gung dul lɛɨ, ke bɔ katɨ jinɔ.

Titus 1:5

Mǝ bǝla ń a Karita sǝ ń tagǝm fɛkatǝm kanjǝl nɨ a bǝlaɨ, sǝ ń ya nǝb dʊʊm bwangtǝmɔ a tuulɔtɨnɔ gǝm gwam, kanga mǝ dǝg ńɨ.

1 Korinti 16:2

Na nǝn dibɨlɨɨ, bɛ gwam jenɔ jǝ́ saa kemʌn ya jǝ́ ya lɛ dǝngdǝng nyatǝm jenɔ. Ka jǝ́ yam lɛ na n bɛɨ, sǝla jǝ́ mʊr tɨkalɨ jenɔ.

1 Korinti 16:5

Mǝ bɛ bɛ fɔla a daa jen woi na ba n dɔ a tǝm Makidoniyaɨ, jʊ a bwɨɨ mǝ ya nǝl lɛ ba mǝ yɔ a Makidoniya.

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

1 Korinti 11:33

A na nyɔ, kɛtǝlam mɨ, na jǝ́ mʊrka jatǝm jǝjalǝnɨ, bɛ jǝ́ yamka.

1 Korinti 16:1

Kǝngkɔ, a kɛl kɛtǝm kemʌn maatǝm tɨkalɨ mʊrkalɨ nǝb bwangtǝm Kwaamaɨ, kanga mǝ sʊwa nǝb bwangtǝmɔ a Galatiyaɨ, n kanga jǝ́ maam lɛ tʌjeni.