22 Mɨ jen nǝn lɔtɨn nɨ jǝ́ ja lɛ, jǝ́ nɔɔ lɛ woi ka? Jǝ́ soga mʊrkalɨ nǝb bwangtǝm Kwaamaɨ, jǝ́ nǝ nǝb nɨ mɨ nǝn kaa jǝlɨ gunidul ka? N wɛ mǝ sʊwa jen nɛɨ? Mǝ wana jen a dul jʊ nɨ jǝ́ maaɨ ka? Mɨ nyɔ! Mɨsɔ mǝ wana jen nɛ.
Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.
Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.
na a yǝlam mǝ ta ta bʊtɔɨ, bɛ ń nyǝm yɨm nɨ a bʊm nǝbɔ yɨ lɛ a mʊgɔ lɔng Kwaamaɨ, wʊnɨ nǝn gɔ mʊrkalɨ nǝb bwangtǝm Kwaamaɨ, a Kwaama Nǝ Kʊlɨɨ. Mʊrkalɨ nǝb bwangtǝm Kwaamaɨ nǝn gɔ tɨya lɔng bɨlǝngkɛlɔ jǝbɔ fʌlʌm gǝnɨ.
Na nǝl a nyǝm bɔ kanga gǝ yɔm lɛ nǝn lɔ gǝnɨ, la dʌng mʊrkalɨ nǝb bwangtǝm Kwaamaɨ nyǝn?
A kɛl jʊ nɨ mǝ sʊwa jen sʊwa, mǝ buu jem bɔ kang, jʊ a bwɨɨ mʊrkalɨ jenɔ ke bɔ a nyan, na a bwɨla.
Mǝ buu jem kang lɛ jʊ a bwɨɨ jǝ́ bʊʊla lɛ nǝn mǝ a kanjǝlɔ gǝm gwam, jǝ́ ta kanjǝlɔ gwam mǝ mɛla jemi.
Nǝmǝ mǝ maa dǝm a mʊgɔ bɛtɔ twamagɨɨ, mǝ la bɔ ja sʊwa gɔ mǝ bwɛ twama, jʊ a bwɨɨ n nǝ mʊrkalɨ nǝb bwangtǝm Kwaamaɨ gaalan.
Na kaa nǝl nyʊwa jʊwan nɛɨ, bɛ ga ja a lɔ gɔ, kage mʊrkatǝm jenɔ a gʊ jem borang. Tangǝn kaam katɨgɔ, mǝ nǝ jen nǝ diil na n bɛɨ.
