1 Korinti 10:13 - Dadiya NT

¹³ Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

1 Korinti 10:13 交叉引用

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

2 Timoti 4:18

Tɛlalɔ bʊʊ bʊʊ nǝn mǝ a bwɨlang kanjǝlɔ gǝm gwam, sǝ a kɨla ɨ, a yɔ nǝn mǝ a fɔlɔn gǝnɔ gǝm a dʌbʌli. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

Ibranii 12:4

Kɨlan jenɔ a dul bwɨlangkɛlɨ, a la bɔ jǝ tǝla tʊʊm jenɔ lɛɨ.

1 Tasalonikaɨ 5:24

Nʊ nɨ a jo jeni, n nʊ gɔ yii swatǝm yaa gǝnɔ lɛɨ.

Luka 22:46

Nǝngɔ a bʌ ji gɔ, “N wɛ a bwɨ jǝ́ daa dum lɛɨ? Jǝ́ gun jǝ́ maa keligɔ, kage jǝ́ yal a mʊgɔ tɛltǝm.”

2 Korinti 1:10

Nǝn gɔ a jǝg nǝn a bwaa bwɨla nɨɨ, nǝn gɔ tag bʊʊ lɛ nǝn nǝnɨ. N daa gǝ woi nǝ ya nǝl lɛ, bʊʊ lɛ nǝn nǝn tagɨ.

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

1 Bitrus 4:19

A kɛl dul jʊ nɨɨ, nǝb nɨ a nɔɔ gaalan a dul jʊ nɨ Kwaama swɨ lɛ a bwɨɨ, bɛ ja dǝg kʊlɨ jinɔ a daagɔ nǝ yiitǝm swatǝm yaa jinɔ woi, nǝ fwaltǝm jinɔ, ja ja kǝga nǝn maatǝm jʊ nɨ dǝngdǝngɨ.

1 Yohana 1:9

Na bǝ sʊwa bwɨlangkɛl bǝnɨ, gɔ, n nǝ yiitǝm swatǝm yaa, n nǝ dǝngdǝng, kǝlǝm bǝm kǝlǝm bwɨlangkɛl bǝnɔ, sǝ a saalǝm bǝn a jʊ nɨ bǝ maa lɛ gwam n ke bɔ dǝngdǝngɨ.

1 Korinti 1:9

Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

Ibranii 11:11

N gola nǝtǝm bɨlǝngkɛl Saratu nǝn dul gǝn a nya kwaan dotǝm fʌl nǝn kwama nɨ ga shu kwaan dotǝm fʌli. A kwɛl a jǝla gɔ nʊ nɨ a maa gǝm swatǝm yaa nɨɨ n nǝ yiitǝm swatǝm yaa.

Ibranii 10:23

Bɛ bǝ ta yatǝm nǝl nɨ bǝ sʊwa lɛ bǝngɔ bǝ nǝnɨ gwanggwang, jʊ a bwɨɨ nʊ nɨ a maa swatǝm yaa nɨɨ, n nǝ yiitǝm swatǝm yaa.

Luka 11:4

Bɛ ń kǝlǝm bǝm bwɨlangkɛl bǝnɔ, kanga nɨ bǝ kǝlǝm nǝb nɨ gǝm maa bǝm bwɨlangkɛl lɛɨ. Bɛ ka ń yɔ lɛ nǝn bǝn a gola tɛltǝm.’ ”

Ibranii 6:18

Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.

Luka 16:26

A na nyɔ, daagɔ mʊ woi jǝbɔ daa nɨ nǝn woi, gʌleng bʊwa wo a kʊm bǝn. Mɨsɔ bǝ labka lɛ.’

Maajɨ Bɛtɔ Twamagɨɨ 27:44

Kaamɨ a gwi kwang nɨ ja tal a mʊgɔ tɨyamwɛngɨ, kaamɨ a gwi fʌtʌlogi kanjǝl tɨyamwɛng nɨ a kǝlalaɨ. Ja maa nyɔ gwam jinɔ ja la kʌng wɨmagɔ kwamɨgǝn.

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’