1 Korinti 1:30 - Dadiya NT

³⁰ Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 1:30 交叉引用

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Kolosii 1:14

N daa gǝ woi bǝ nya jǝgtǝm jǝbɔ kǝlǝmtǝm bwɨlangkɛlɨ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

1 Korinti 1:24

A daagɔ nǝb nɨ Kwaama a jo joi, Yahudawagɔ jǝbɔ nǝbɔ Girikaɨ pʌd yo, Kiristi n kwaan Kwaamaɨ jǝbɔ yʊlan Kwaamaɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Dʊgam Nyangnyang 14:4

Nǝb nɨ n nǝbɔ a maa bɔ jǝ bwɨlan wo na buloni, jǝ nǝb sagsag. Nǝji jǝ bwangtǝn Bɛ Gal nɨ lɛ a daagɔ yɔ lɛ wo gwamɨ. Nǝji ja ten ji a kʊm nǝbɨɨ, nǝji jǝ bɨtǝm tɨkǝgagɔ ja nǝ Kwaama jǝbɔ Bɛ Gal nɨɨ.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Afisa 4:30

Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.

1 Korinti 12:8

A wini Kwaama a nǝ gǝn lǝma sʊwatǝm kɛl nǝn yʊlan a gola Yʊwa nɨ. A wini a nǝ gǝn lǝma sʊwatǝm kɛl nǝn nyǝmtǝm a gola Yʊwa nɨ tag.

Yohana 17:8

Jʊ a bwɨɨ kɛl nɨ mʊ sʊwa ɨɨ, n sʊwa ji. Ja yo, ja nyǝm n bɨlǝngkɛl mǝ jel a daa mɔ woi, ja nyǝm bɨlǝngǝn nǝmɔ mʊ twam ɨɨ.

Ibranii 9:12

Kiristi a dɔ Daa nɨ a Laa Sagsagɨɨ naa win swar, mɨ sʊtǝm wo. Ke bɔ a gola tʊʊm bɨntɨn jǝbɔ bɛl nɛɛ a dɔɨ. A dɔ a gola tʊʊm gǝn. A maa bǝm jǝgtǝm nɨ mɨ dɨltǝm woi.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Afisa 1:14

Wʊnɨ nǝn gɔ swatǝm yaa kʊla bǝnɨ sǝ ba la nǝn kwama nɨ Kwaama jǝg nǝb gǝnɔ lɛɨ, sǝ bǝ bǝlá gǝn, bǝ dʊʊl gǝn.

1 Korinti 12:27

Jǝ́ bʊtɔ Kiristii, gwam jenɔ jǝ́ jinʌn gǝn.

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

Roma 8:9

Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 5:19

Kanga nǝbɔ a lada a yǝlam nǝb bwɨlangkɛl a gola nʊ nɨ win a kɔ bwangtǝm jʊ ja sʊwa gǝnɨ, na nyɔ nǝbɔ a lada yǝlam yǝlam nǝb dǝngdǝng a gola nʊ nɨ win a bwangtǝn jʊ ja sʊwa gǝnɨ.

Roma 4:25

Wʊnɨ ja jʌ a kɛl dul bwɨlangkɛl bǝnɨ, Kwaama a gung gǝn sǝ bǝ yǝlam dǝngdǝng a daa gǝ woi.

Roma 4:6

Dauda a sʊwa nyɔ tag a kɛl bwili wʊnɨ ja maa nǝfitʌm nɨ gǝm Kwaama a kiyo ji dǝngdǝngɨ, n ke bɔ a gola maajɨ jin. A sʊwa gɔ,

Yohana 8:12

Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Matta 1:21

Bʌ mʊn bʌ bwɛ, mʊ ja gǝm dunɔ gɔ Yesu, jʊ a bwɨɨ nǝn gɔ bʊʊ lɛ nǝn nǝbam gǝnɔ a bwɨlangkɛl jinɔ gǝmɨ.”

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

1 Yohana 5:6

Yesu Kiristi a bɛ a yooli nɨ, a bɛ a gola mwɛ jǝbɔ tʊʊm, ke bɔ a gola mwɛ kwaagɔ a bɛɨ, n gola tʊʊm tǝgǝn. Yʊwa Kwaamaɨ nǝn gɔ nǝ nǝtǝm nyiyogɨɨ, jʊ a bwɨɨ Yʊwagɔ nǝn gɔ n bɨlǝngkɛlɨ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

Afisa 1:10

Jʊ nɨ pʌd n fɛkalɨ Kwaamaɨ, sǝ na kwamagɔ a laɨ, kanjǝl nɨ gwam mʊrka a daagɔ Kiristi woi, kanjǝl nɨ a dʌbʌl kwamaɨ, jǝbɔ kanjǝl nɨ a tǝmɨ.

1 Korinti 12:18

N wɔ Kwaama a fɛka jinʌn bʊtɔgɔ gwam jinɔ kanga ga swɨɨ.

Roma 16:11

Jǝ́ yal Hirudiyan, nʊ nɨ nǝn kɨla mɨɨ. Jǝ́ yal nǝb bwangtǝm nɨ a mʊgɔ Tɛlalɔɨ a lɔ Narkisasɨ.

Roma 16:7

Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 12:5

a dul kɛl nɨ, bǝn nɨ sul bǝ lada nyɨɨ, bǝ yǝlam bʊtɔgɔ win a mʊgɔ Kiristii, gwam bǝnɔ bǝ mʊrka bǝ yǝlam win.

Roma 11:36

Kanjǝlɔ gwam a bɛ a daa gǝ woi, n gola gǝn ja fɛ kanjǝlɔ gwamɨ, n daa gǝ woi jǝ yǝla lɛɨ. Bɛ nǝtǝm dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Roma 1:17

Fulon kɛl lǝmɨ nɨ a nʊng kanga Kwaama a dǝg nǝbɔ a yǝlam dǝngdǝng a daa gɔ woi a gola nǝtǝm bɨlǝngkɛl a tǝltǝmɔ gǝm a yɔ nǝn a dɨltǝmɨ, kanga ja mʊla gɔ, “Nʊ nɨ n nǝ dǝngdǝng a gola nǝtǝm bɨlǝngkɛlɨ, nya nya kʊlɨ.”

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Yohana 17:26

N nʊng ji nʊngɨ mɔ, mǝ ja ja kǝga nǝn nʊngtǝm jinɔ tag, sǝ swɨtǝmɔ mʊ maa mɨ lɛɨ, a yɨ jǝbɔ ji, sǝ mǝ tǝmɨ n yɨ a kʊm jin.”

2 Korinti 12:2

N nyǝm kaa nǝl wo n nǝ bwangtǝm Kiristii. Jolɔ kʊb jeli naal a shui, ja do gǝn ja shu nǝn a dʌbʌl kwama na taal, n daagɔ Kwaama woi. Na gǝ na a mʊgɔ bʊtɔɨ, na mɨ a mʊgɔ bʊtɔɨ, mǝ nyǝm bɔ. Nǝn Kwaama n nǝ nyǝmtǝmɨ.

Luka 11:49

N jʊ a bwɨ Kwaama a nyǝmtǝm gǝn a sʊwa gɔ, ‘Mǝ twam jim twam nǝbkuwotǝmkǝga jǝbɔ bɛtɔ twama, wʊnɨ jǝ́ jʌbo kaamɨ lɛɨ, tangǝnɔ jǝ́ nǝ ji gaalan.’

1 Korinti 4:15

Na na jǝ́ na nǝn bwaɨtɨnɔ fʊlkʊblǝnɔ kʊb a mʊgɔ Kiristii, tɛbɔ jǝ́ nǝnɨ a lada bɔ. Nǝmǝ mǝ tɛtɛ jen a mʊgɔ Kiristi Yesui a gola kiyotǝm fulon kɛl lǝmɨ a daa jen woi.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.