26 Jǝ́ dʌng jotǝmɔ ja jo jeni kambɔ. A kʊm jen ja jo bɔ nǝb nyǝmtǝm yooligɔ a lada, nǝb kwaan fɔlɔnɔ a lada bɔ tʌji, bɛtɔ nǝb dʊʊmɨ a lada bɔ.
Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?
A kʊm nǝb maatǝm fɔlɔn kal nɨ, mɨ nʊ nɨ wo a nyǝm fɛkalɨ nɨɨ. Na na ja nyǝm fɛkalɨ nɨɨ, na ja kʊʊ bɔ Tɛlalɔ, nǝ dʊʊlǝn.
Nǝb yʊlanɔ jǝ na a fee? Nǝb nyǝmtǝmɔ n fee? Nǝb gʊbkatǝm kɛlɔ a dul yooli nɨ n fee? Kwaama a dǝg nyǝmtǝm nǝbɔ yooli nɨɨ a yǝlam jǝ fʌmʌn, mɨ nyɔ ka?
Nǝn kwama gɔ, Yesu maa fulotǝm nǝl lɛ nǝn Yʊwa Kwaamaɨ, a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ. Tɛtɛ, n jʊ mʊ swɨ maatǝmɨ.
Gǝ na nyɔ mǝ tǝmɨ n kwɛl n fɨɨ fɨɨ kanjǝl nɨ a tǝltǝm jinɔ gǝm. A bʊm nyɔ tǝmɨ n mʊla mʊn kanjǝl nɨ dǝngdǝng, nǝ dʊʊ Tiyofalas,
Kɛl nɨ nǝ sʊwa lɛɨ, ke bɔ a yʊlan mɛlatǝm nǝfilii, n kɛlɔ Yʊwagɔ a nǝ nǝn gɔ nǝn sʊwaɨ. Nǝn nʊng kanjǝl na Yʊwa a nǝb nɨ nǝn Yʊwa Kwaamaɨ.
Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla nɔɔlɨ nɨ gǝm lɛ Kwaama a jǝgǝmɨ, jǝbɔ bɛtɔ lɔ gɨɨ wʊnɨ mǝ swɨ lɛ nǝn bɨlǝngǝnɨ. N ke bɔ mǝ kwaamɨ mǝ swɨ jen nɛɨ, jǝbɔ nǝbɔ gwam ja nyǝm bɨlǝngkɛlɨ.
Nǝb sagsagɔ gwam yal jen nɛ. Nǝb nɨ a lɔ fɔlɔ Kaisarɨ yal jen nɛ dangǝn.
Kaam nǝbɔ a yǝla a daagɔ Bulus woi, ja nǝ bɨlǝngkɛl. A kʊm jin Diyonisiyas nǝ kotere dʊʊnɔ wo, jǝbɔ kaa nɔɔlɨ dun gǝnɔ nǝn Damaris, jǝbɔ kaamɨ.
Gwamna nɨ a kuwo nyɨɨ, nǝngɔ a nǝ bɨlǝngkɛlɨ. A ta kang a nyiyo a mɛlalɨ kɛl Tɛlalɔɨ.
Wʊnɨ dakini jǝbɔ Gwamna Sarjiyas Bulusi. Gwamna nɨ n nǝ yʊlan. Nǝngɔ a jo Barnaba jǝbɔ Shawulu swɨ lɛ gǝ nyʊwa kɛl Kwaamaɨ a daa ji woi.
Jʊ a bwɨɨ nǝtǝm lǝma Kwaamaɨ jǝbɔ jotǝm gǝnɔ mɨsɔ gʊm lɛ.
