1 Korinti 1:21 - Dadiya NT

²¹ Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.

1 Korinti 1:21 交叉引用

Luka 10:21

Nǝn kwama gɔ, Yesu maa fulotǝm nǝl lɛ nǝn Yʊwa Kwaamaɨ, a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ. Tɛtɛ, n jʊ mʊ swɨ maatǝmɨ.

Matta 11:25

A kwama gɔ nǝngɔ Yesu a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ.

Afisa 3:10

Kwaama a maa jʊ nɨ kǝngkɔ sǝ a nʊng yʊlan gǝnɔ nǝn dʌmʌn a daagɔ nʊ nɨ maa fɔlɔn nɛɨ, jǝbɔ nǝblaamɔ a dʌbʌli, a gola mʊrkalɨ nǝb bwangtǝm Kwaamaɨ.

1 Korinti 1:24

A daagɔ nǝb nɨ Kwaama a jo joi, Yahudawagɔ jǝbɔ nǝbɔ Girikaɨ pʌd yo, Kiristi n kwaan Kwaamaɨ jǝbɔ yʊlan Kwaamaɨ.

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Roma 11:33

Dʊʊlǝn Kwaamaɨ, jǝbɔ yʊlan gǝnɔ, jǝbɔ nyǝmtǝm gǝnɔ, a laa kwaan! Biyotǝm borang gǝnɔ a laa kwaan dʌngtǝm, golantɨn gǝnɔ a laa kwaan fɨɨtǝm!

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Yohana 12:31

Kǝngkɔ Kwaama mwatɨ yooli nɨ gǝm borang lɛɨ, n kǝngkɔ jǝ kaam nǝ fɔlɔn yooli nɨ lɛɨ.

1 Korinti 1:18

Kɛl kʊʊtǝmɔ, n kɛl fʌmʌn a nǝb nɨ a gola kalatǝmɨ. N kwaan Kwaamaɨ a daa bǝn woi, bǝn nɨ ja bʊʊ nǝn bǝnɨ.

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

1 Korinti 1:25

Jʊ nɨ nǝbɔ kuwo lɛ na jǝ fʌmʌn a daagɔ Kwaama woi, a laa laaɨ kwaan yʊlan nǝfilii. Jʊ nɨ jǝ kuwo lɛ na jǝ gɨyatǝm a daagɔ Kwaama woi, a laa laaɨ kwaan nǝfilii.

1 Korinti 1:27

Kwaamagɔ a jǝgǝm jǝ fʌmʌnɔ a yooli nɨ sǝ a nǝ nǝb nyǝmtǝmɔ gunidul. Kwaama a jǝgǝm jʊ nɨ gɨya gɨyaɨ a yooli nɨ sǝ a nǝ nǝb kwaanɔ gunidul.

1 Korinti 2:14

Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ.

1 Korinti 4:10

Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!

1 Korinti 6:2

Jǝ́ nyǝm bɔ n nǝb sagsag maa yooli nɨ gǝm borang lɛɨ ka? Na nǝjen jǝ́ maa yooli nɨ gǝm borang lɛɨ, mɨsɔ jǝ́ dwal lɛ jǝ́ maa bɛlɨ kanjǝl nɨ ka?

1 Korinti 11:32

Na nǝn Tɛlalɔ maa bǝm borangɔ lɛɨ, bǝ nya mwɛtǝm lɛ, kage Kwaama a mwatɨ bǝm borang jǝbɔ tangǝn nǝbɔ yoolii nɨ.

Galatiya 1:15

Kwaama a jǝg ɨ na lǝga bɔ ja bʌ i. A jo i a mʊgɔ lǝma gǝn. Nǝn fulotǝm nǝl

Galatiya 4:8

Galɨgǝn jǝ́ nyǝm bɔ Kwaamaɨ, jǝ́ yǝlam jwaalɛb a bwangtǝm shom jǝbɔ jǝfʊlǝntɨn, kanjǝl nɨ mɨ a nyiyo jǝlɨ.

Afisa 1:9

A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.

Kolosii 1:19

Kwaama a maa fulotǝm nǝl, a yii gǝn nǝn dʊʊlǝn gǝnɔ gwam.

Ibranii 1:14

N ke bɔ bɛtɔ twama Kwaamaɨ gwam n nǝb maajɨ yʊwa wʊnɨ Kwaama gǝ twam lɛ sǝ ja maa nǝbɔ gǝm nya bʊʊlɨ lɛɨ gǝm maajɨɨ ka?

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

Yakubu 5:15

Keli nɨ ja maa a mʊgɔ nǝtǝm bɨlǝngkɛlɨ, gǝ gung gung nǝ bɔɔla. Tɛlalɔ gung gǝn gung. Na ga maa bwɨlangkɛlɨ, Tɛlalɔ kǝlǝm gǝm kǝlǝm.

Yakubu 5:20

Bɛ ga nyǝm pʌd nʊ nɨ a yǝla nǝn nǝ bwɨlangkɛl a golaɨ, a bʊʊ nǝn kʊlɨ nǝ bwɨlangkɛl nɨ a bwaa, yǝlam gǝm gola kǝlǝmtǝm kʌm bwɨlangkɛltɨn gǝnɔ.