1 Korinti 1:12 - Dadiya NT

¹² Jʊ mǝ swɨ lɛ n sʊwaɨ, nǝn gɔ, pʌd jenɔ jǝ́ sʊwala katɨgɔ lɛ nǝn dʌmʌn jengɔ, “Mǝ nǝ bwangtǝm Bulusi,” kaa gɔ, “Mǝ nǝ bwangtǝm Afolosi,” kaa gɔ, “Mǝ nǝ bwangtǝm Kefasɨ,” kaa tag gɔ, “Mǝ nǝ bwangtǝm Kiristii.”

1 Korinti 1:12 交叉引用

Yohana 1:42

Nǝngɔ a yɔ nǝn Saminu a daagɔ Yesu woi. Yesu a dʌng gǝn, nǝngɔ a sʊwa gǝn gɔ, “Mɔ nǝn Saminu bʊla Yohanaɨ. Ya jǝ jo ń gɔ Kefas.” Dun nɨ win jǝbɔ Bitrus, gǝ nʊng “Tɛl.”

Galatiya 3:17

Jʊ mǝ swɨ lɛ n sʊwaɨ, nǝn gɔ diil nɨ ja bɛ nǝn a gul jolɔ fʊlkʊb naal jǝbɔ fʊtǝtaalɨ, mɨsɔ fʌto swatǝm yaa nɨ lɛ Kwaama a maaɨ a kala nǝn kwan.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

2 Korinti 9:6

Jǝ dʌngtǝmɔ n wɔ, nʊ nɨ a wa dʊʊmɔ dǝmɨ, kʌso nǝn dǝm nyɔ. Nʊ nɨ a wa dʊʊmɔ a ladaɨ, kʌso a lada nyɔ.

1 Korinti 16:12

A kɛl kɨla bǝn Afolosi, n kela gǝn dangǝn mǝʊ a yɔ a daa jen woi dakini jǝbɔ tangǝn kambɔ. A gǝnɔ a ya bɔ nǝl yɔtǝm kǝngkɔ. Yɔ yɔ nǝn kwama nɨ a kuwo a bʊm gǝmɨ.

1 Korinti 15:50

Mǝ sʊwa jen kɛl nɨ kambɔ, mɨsɔ maa lɛ bʊtɔ jǝbɔ tʊʊm a nya kʊla fɔlɔn lɔ Kwaamaɨ. A na nyɔ tag, bʊtɔ bʊtatǝmɔ mɨsɔ nya kʊla lɛ a daa nɨ mɨ bʊtatǝm woi.

1 Korinti 15:5

A nʊng Bitrus dul gǝnɔ, nǝngɔ la a nʊng bɛtɔ twama gǝnɔ nɨ kʊb jeli yoi.

1 Korinti 9:5

Nǝn la bɔ nyɔ nǝn yɔ nǝn nɔɔtǝlam nǝnɔ nǝb bwangtǝmɔ, kanga tangǝn bɛtɔ twamagɔ, jǝbɔ kɛtǝlam Tɛlalɔɨ, jǝbɔ bǝ Bitrus jǝ maam lɛɨ ka?

1 Korinti 7:29

Jʊ mǝ kuwo lɛɨ kambɔ, kwama nɨ Tɛlalɔ bɛm lɛɨ ya la lɛ. A kǝga nɨ, nǝb nɔɔtǝmɔ bɛ ja yɨɨ maamɔ mɨ ji nǝn.

1 Korinti 4:6

Kambɔ, a kɛl dul kanjǝl nɨ, mǝ nʊng dul mɨ nǝbɔ Afolos a kɛl dul jen, sǝ jǝ́ mɛla jʊ kɛl nɨ nʊng lɛɨ a daa nǝn woi. Kɛl nɨ sʊwa lɛ gɔ, “Ka jǝ́ shu lɛ mʊlalɨgɔ.” Jǝ́ maa nyɔ kage kaa nǝl a maa lɨyal nǝn kaa nǝl gɔ, a laa kaa nǝl.

Maajɨ Bɛtɔ Twamagɨɨ 18:24

Kaa bwɛ Yahudaɨ dunɔ nǝn Afolos. A bɛ a Afisa. Gɔ n bwɛ tuulɔ Iskandariyaɨ. A nyǝm sʊwatǝm kɛl. A nyǝm mʊlalɨ kɛl Kwaamaɨ dangǝn.

Matta 23:8

“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb.

Maajɨ Bɛtɔ Twamagɨɨ 19:1

Kwama nɨ Afolos a Korintii, Bulus a kɛla mʊgɔ tǝm gɔ ba la Afisaɨ, ya nya kaam nǝb bwangtǝmɔ wo.

1 Korinti 1:11

Jʊ a bwɨ mǝ sʊwa nyɨɨ kɛtǝlam mɨ, kaamɨ nɨ a lɔ Kuluwii ja kiyo mɨ gɔ, gʊbkatǝmɔ wo a kʊm jen.

2 Korinti 10:7

Jǝ́ dʌng jʊ nɨ a talɨ! Na nǝl a jǝla gɔ gǝ na a Kiristii, bɛ ga nyǝm gɔ nǝn tǝnǝn nǝ na nyɔ.