1 Bitrus 3:21 - Dadiya NT

²¹ Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

1 Bitrus 3:21 交叉引用

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Galatiya 3:27

Gwam jenɔ nɨ ja yʊ jen mwɛ sagsagɨ, jǝ́ yǝlam win jǝbɔ Kiristi, jǝ́ do yɨm Kiristii.

Maajɨ Bɛtɔ Twamagɨɨ 22:16

Kǝngkɔ n wɛ mʊ yam lɛɨ? Gun ja yʊ ń mwɛ sagsagɔ, ja saalǝm bwɨlangkɛl mʊnɔ a gola jotǝm dun Tɛlalɔɨ.’

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

Kolosii 2:12

Ja fʌl jen jǝbɔ gɔ a gola yʊtǝm mwɛ sagsag, ja gung jen jǝbɔ gɔ a gola nǝtǝm bɨlǝngkɛl a kwaan Kwaamaɨ, wʊnɨ a gung gǝn a bwaaɨ.

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Ibranii 9:24

Jʊ a bwɨɨ, Kiristi a dɔ bɔ kaa lɔ tǝlatǝm twama wʊnɨ nǝfili a mɔɨ, wʊnɨ nǝn gɔ n jelkalǝng lɔ dʌbʌli. A dɔ dʌbʌlɔ tǝgǝn sǝ a nʊng dul gǝnɔ a kǝga Kwaamaɨ a kɛl dul bǝn.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

1 Korinti 4:6

Kambɔ, a kɛl dul kanjǝl nɨ, mǝ nʊng dul mɨ nǝbɔ Afolos a kɛl dul jen, sǝ jǝ́ mɛla jʊ kɛl nɨ nʊng lɛɨ a daa nǝn woi. Kɛl nɨ sʊwa lɛ gɔ, “Ka jǝ́ shu lɛ mʊlalɨgɔ.” Jǝ́ maa nyɔ kage kaa nǝl a maa lɨyal nǝn kaa nǝl gɔ, a laa kaa nǝl.

Maajɨ Bɛtɔ Twamagɨɨ 16:33

Tʌgo a kang nǝn kum gɔ a wɔɔ ji ya saalǝm jim dɛɛbǝlɔ. Tʌgo a kang nǝngɔ ja yʊ gǝn mwɛ sagsagɔ jǝbɔ nǝbam gǝnɨ.

Maajɨ Bɛtɔ Twamagɨɨ 8:36

Ji a mʊgɔ yɔmɨ, nǝngɔ ya ja la kaa daa mwɛɨ. Nǝngɔ nʊ nɨ ja sʊ sʊɨ gɔ, “Dʌng mwɛmɔ wɔ. N wɛ a bwɨ mɨsɔ mʊ yʊ ɨ mwɛ sagsagɔ lɛɨ?” [

Roma 5:14

Bwaagɔ a tǝl nǝn Adamu a yɔ nǝn a daagɔ Musa woi. A yɔ nǝn tag a dul nǝb nɨ bwɨlangkɛl jinɔ a maa bɔ na bwɨlangkɛl Adamui, wʊnɨ a jelka nʊ nɨ bɛ lɛɨ.

Ibranii 11:19

Ibrahim a jǝla nǝn gɔ Kwaama nǝn kwaan gung gung nǝl a bwaa. Bǝ sʊwa sʊwa bǝngɔ a yǝla a yo Ishaku a bwaa.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Ibranii 13:18

Jǝ́ maa nǝm keli. Nǝn nyǝm nyɔ nǝn nǝn mʊgɔ nǝl nɨ mɨsɔ nǝn nyʊwa gunidul lɛɨ. Nǝn swɨ lɛ nǝn yɨ yɨm nǝnɔ a gola nyan.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

Yohana 13:9

Nǝngɔ Bitrus a sʊwa gǝn gɔ, “Tɛlalɔ, ke bɔ naatɨn mɨ kwaagɔ! Saal kangtɨn mǝndɨ jǝbɔ dul mǝndɨ gwam.”

Maajɨ Bɛtɔ Twamagɨɨ 8:37

Filibus a sʊwa gɔ, “Na ń nǝ bɨlǝngkɛl nǝlɔ wini, jǝ maa mʊn maa.” Nʊ nɨ ja sʊ sʊɨ a jǝla gɔ, “N nǝ bɨlǝngkɛl mǝʊ Yesu Kiristi nǝn bʊla Kwaamaɨ.”]