20 ¿Bʉra kꞌaipe Daizezea mawũã bedꞌeaira? ¿Zokꞌobara zhi odꞌaa mawũãĩ bʉka?: ¿Mʉrã kꞌãrẽã kꞌãwũã osi?
¿Mʉã krĩñanerã o ẽbaidꞌe bꞌʉka ne mʉrẽrã? ¿O bʉra bĩ ẽã kꞌobꞌʉka mʉta bia baera?
Maʉ̃ba bʉ zhãrã jara bꞌʉra bedꞌea ne ẽãne bꞌarãrũã, bʉa awʉrʉta jarabʉrʉdꞌera bʉzhikusa jarabʉrʉa, bʉa zhãrã jara bꞌʉta abꞌaʉta obꞌʉdꞌeba.
Mawũãĩ Jesúsbara mawũãsia: ¿Mʉrã kꞌaiba marã ʉ̃rʉ̃ bꞌʉsidꞌa mawũã bedꞌea marãnebemata araa oira o ne draira?
Bia ẽãta obada bꞌeta bʉa jara bꞌʉta bʉara abꞌaʉta obꞌʉra, ¿bʉ krĩchama bʉra ẽdrʉika Daizezeba pua kꞌawua oidꞌebara?
¿Zokꞌo obaribara egorora izha krĩñane oi ẽã bꞌʉka, abꞌaʉ egoroba oi ẽã bꞌʉka zokꞌo abꞌa ne biadꞌe zokꞌaita, abꞌa ne baridudꞌe zokꞌaita?
Aramaʉ̃ kĩrãkꞌa Daizezebara izha krĩñata obʉrʉta izhi kĩrũbita izhi zareata ũdukꞌawabiga krĩñane kꞌãbãẽã zrogꞌasia kꞌazhiruata obꞌeba kĩrũbiba aduabigai badꞌata.
¿Bʉra kꞌaipe nezokꞌa awʉrʉdꞌeta jara nʉmaĩrã? Zhibaribʉrʉ jaraya bia nʉmʉta o bꞌaebʉrʉta. Mawũãmina jipa nʉmaña Nokꞌo Daizezera zhi zromaneba jipa nʉmabiita.
