30 Izha mawũã zhi jʉrʉmata bꞌera trʉ̃kua nʉmʉkꞌãrĩã. Mawũã trʉ̃kua nʉmʉkꞌãrĩrã bedꞌea ne ẽã nʉmʉkꞌãrĩã. Mawũã bedꞌea ne ẽã nʉmʉkꞌãrĩrã izhita zhi zromanebemata nʉmʉkꞌãrĩã.
Kꞌawua bꞌea izhi kʉãgꞌa bꞌeta Daizezeba kꞌãrẽ berabꞌaribi bꞌʉra jõma kꞌarebata biaitabema, maʉ̃ta izha kꞌãrẽ kꞌaudꞌa bꞌeabiita trʉ̃kuadꞌaitabema.
Mʉãrã zhi zromata bꞌʉkuasia bʉa mʉta zhi zromata bꞌʉdꞌa kĩrãkꞌa, aramaʉ̃ne abꞌa bꞌeamarẽã dazhi abꞌa panʉ kĩrãkꞌa.
Zeze, bʉa mʉãã diadꞌata bꞌera mʉãrã krĩña bꞌʉa mʉta bꞌʉ maẽ ãzhisidꞌa mʉ bawara bꞌeaita, aramaʉ̃ne ãzha ũdudꞌamarẽã bʉa mʉrã zhi zromata bꞌʉdꞌata, bʉa mʉrã kʉãgꞌa ẽjũã oi nawedꞌa.
Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.
Idꞌira Jesucristo ũme bꞌera bedꞌea bara duanu ẽã, mawũã duanu ẽã zharadꞌebemane duanu ẽãta, awuarabʉrʉ mawũã bꞌea Jawurebiadꞌeba bꞌeta.
Marã maʉ̃rãnebemata bꞌea, marã jʉrʉkuasia bꞌeamarẽã Jesucristodꞌeta.
Izha okuadꞌabara mawũã jʉ̃ã bꞌea bꞌerawakꞌata nʉmʉmarẽã zhi warrarãta bia nʉmʉĩ kĩrãkꞌa Daizezeba.
Aramaʉ̃ne izha diadꞌara jãrĩ ẽã, miã izha trʉ̃narã ãĩ bꞌʉ ẽã Daizezebara.
