13 Zharadꞌebemane nʉmeãĩbʉrʉ aduaita beudꞌaya. Mawũãmina Jawurebiadꞌeba beubibʉdata zharadꞌebemata odꞌa ẽãrã Daizeze ũme bꞌai jõ ẽã bꞌeaya.
Kꞌazhiruadꞌe zharadꞌebemane bꞌeasidꞌera kꞌazhiruara wuaabʉrʉ okrĩñasidꞌa Moisé ũrãgꞌaba o ẽbaita jara bꞌʉta, aramaʉ̃ne dazhi kꞌakuaba obꞌʉbara dazhira aduaita beui basia.
¿Bia ẽãta obꞌeadꞌadꞌebara kꞌãrẽ biata jidasidꞌa, maʉ̃nebara idꞌidꞌera marã pera duanu ẽka? Maʉ̃nebara aduaita beuya.
Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.
Mawũẽ mebẽrã, Jawurebiadꞌeba nʉmeãña, zharadꞌebemane nʉmeã ẽã.
