6 Maʉ̃ta kꞌawuaidꞌera dazhita na bꞌadꞌara izhi ũme cruzdꞌe kꞌachibʉrʉba kꞌakua kꞌazhiruadꞌebemata beasia. Mawũẽ dazhira wueta kꞌazhirua nezokꞌa ẽã.
Zharadꞌebemane nʉmeãĩbʉrʉ aduaita beudꞌaya. Mawũãmina Jawurebiadꞌeba beubibʉdata zharadꞌebemata odꞌa ẽãrã Daizeze ũme bꞌai jõ ẽã bꞌeaya.
Mawũãmina idꞌidꞌera kꞌazhiruadꞌebara ẽdrʉdꞌape Daizeze nezokꞌata bꞌeba izhiita nʉmeã, mawũẽ izhi ũme bꞌai jõ ẽã bꞌeaya.
Kꞌazhiruaa idu kꞌabꞌaribirãũdua marã kꞌakua beubarita, aramaʉ̃ne orãũdua bia ẽãta obi krĩñabʉrʉra.
Dazhirãbara kꞌawua bꞌea Moisé ũrãgꞌara Jawurebiadꞌebemata. Mawũãmina mʉrã zharadꞌebemane bꞌʉba kꞌazhiruaa zhi nendoma.
