18 Kꞌazhiruadꞌebara ẽdrʉdꞌape Daizeze nezokꞌarãta duanesia biata odꞌaita.
Mawũãmina idꞌidꞌera kꞌazhiruadꞌebara ẽdrʉdꞌape Daizeze nezokꞌata bꞌeba izhiita nʉmeã, mawũẽ izhi ũme bꞌai jõ ẽã bꞌeaya.
Bꞌai zhiwidꞌita Jawurebiaba Jesucristodꞌeba dia bꞌʉba dazhira kꞌazhiruadꞌeba ẽdrʉbisia aduaita beui badꞌata.
Mawũãrã kꞌawuadꞌaya Daizezedꞌebema wãrãta, wãrãbara ẽdrʉbigaya.
Mawũã beudꞌara ẽdrʉsia kꞌazhiruadꞌebara.
Kꞌazhiruabara marã kꞌabꞌari nʉmaĩne bꞌʉ ẽã. Marã Moisé ũrãgꞌa edre nʉmeba ẽdrʉita nʉmʉ ẽã, awuarabʉrʉ ẽdrʉya Daizezeba izhi biaba ẽdrʉbidꞌa edre nʉmeba.
Mawũẽ mʉta Daizeze Warraba ẽdrʉbigara, wãrĩnu ẽdrʉdꞌaya.
Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.
