18 Daizezeba warra barabiya abʉrʉra Abrahambara ĩjãsia zhi kĩmanebara warra baraidꞌe bꞌʉ ẽãta, aramaʉ̃ne bꞌesia zhãrã bio zezeta, maʉ̃ẽnabemata mawũãsia: Kꞌãwũã chĩdau bio kĩrãkꞌa nʉmaña bʉ warrarãnebemata.
Dazhira maʉ̃ta jʉ̃ãĩta ẽdrʉsia. Dazha maʉ̃ta ũdu bꞌʉbʉrʉ jʉ̃ã ẽã. Iabꞌaʉba ne ũdu bꞌʉra ¿kꞌãrẽã jʉ̃ãĩpe?
Mawũã jidaira dazhirãĩtara sewa ẽãta Daizezebara kʉãgꞌata izhidꞌeta dazhirã sodꞌe diasia Jawurebiata dazhirãã diadꞌaba.
Maʉ̃ba wãniguaudua, mʉãrã Daizezera krĩcha bꞌʉa, mawũã baya izha mʉãã jaradꞌa kĩrãkꞌa.
Maʉ̃ẽnabemata zhi bꞌʉmata mawũã bꞌʉa: Mʉã bʉra bꞌidꞌapʉa zhãrã bio zezeta. Mawũãneba Daizeze kĩrãbitara zhãrã bio zezeta bꞌʉa, izhidꞌebemata Abrahamba ĩjãnarã Daizezebara beudꞌapeadꞌara piradrʉbibaria, kꞌãrẽ ne ẽbadꞌata obaria.
Mawũãĩ Zacaríabara ángelea mawũãsia: ¿Maʉ̃ mʉãrã sãwũã bia kꞌawuaipe? Mʉrã zõrã, mʉ kĩmasidꞌa jipadꞌe zhõdra.
Maʉ̃ta ĩjãĩrã edꞌabꞌae ẽbasia, krĩcha nʉma ẽbasia izhira zhi zõrãta, maʉ̃ne ya beubodꞌo kĩrãkꞌa bꞌasia cien año badea bꞌʉba, mawũã ĩjãĩrã edꞌabꞌae ẽbasia tokꞌata bꞌʉbara zhi kĩma Sara.
