Romanos 14:8 - Porciones del Nuevo Testamento

⁸ Dazhita bꞌebʉrʉ Nokꞌoita bꞌea. Dazhita beukuara Nokꞌoita beukuaya. Mawũẽ bꞌeta o beukuata Nokꞌoita bꞌea.

Romanos 14:8 交叉引用

Hechos 21:13

Mawũãmina Pablobara panaʉ̃ mawũãsia: ¿Kꞌãrẽta odꞌaipe jẽgabʉdaba mʉ sopuabi kꞌobꞌebara? Mʉrã bari zhi jʉ̃bigaidꞌe bꞌʉ ẽã, awuarabʉrʉ Jerusalénne beuisidꞌa bꞌʉa Nokꞌo Jesús kꞌarea.

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 13:36

Wãrãnebai Davidbara zhãrã izhi ewaridꞌebema aribꞌaesia Daizezeba krĩñane, maʉ̃ne beupe wuagꞌasidꞌa zhibarirã bꞌeadꞌa bawara, aramaʉ̃ne bꞌerawasia.

Juan 21:19

Maʉ̃bara Jesúsbara jara krĩñasia Pedro sãwũã beuita, aramaʉ̃ne kꞌawuabigaita Daizeze zhi zromata. Maʉ̃ jarape mawũãsia: Mʉrã pẽwã bꞌadua.

Lucas 20:38

Aramaʉ̃nerã Daizezera beukuadꞌa Zhibari ẽã, awuarabʉrʉ zokꞌai bꞌe Zhibaria, izhima maʉ̃rã jõma zokꞌai bꞌea.