22 ¿Kꞌãrẽrã kꞌoidꞌe bꞌʉka o kꞌo ẽbaidꞌe bꞌʉka bʉ krĩchama? Mawũãbʉrʉ bʉzhibitabai nʉmadua Daizeze kĩrãbita. Sobia bꞌaya izhikusa bedꞌea bara ẽãrã izhima bigaba.
Iabꞌaʉma ewari abꞌara biga dewarabema ewari kꞌãñabara, waya awʉrʉma abꞌarika ewari jõma. Abꞌa abꞌakꞌa bꞌeaudua mazha krĩcha bꞌʉdꞌe.
Mawũãmina iabꞌaʉba kꞌãrẽ izhima kꞌo bꞌe ẽãta kꞌora izhikusa bedꞌea baraya bigata o ẽãba izhi krĩchama. Jõma kꞌãrẽ dazhi krĩchama biga ẽãta obʉrʉra kꞌazhirua.
Nokꞌo Jesúsdꞌeba mʉã kꞌawua bꞌʉra miã kꞌãrẽta ne mitiara ne ẽã izhikusara. Mawũãmina iabꞌaʉ krĩchama kꞌãrẽta ne mitiabʉrʉ izhima mawũã bꞌʉa.
Iabꞌaʉma ne jõma kꞌosia bꞌʉa, waya dewaraubara bia kꞌawua ẽã ĩjã bꞌʉbara bari kꞌo bꞌʉa ne udꞌebemata.
Maʉ̃ kꞌarea mʉrã baridua kĩrãkuita bꞌʉa bedꞌea ne ẽã nʉmaĩta Daizeze kĩrãbita, zhãrã kĩrãbita.
¡Mʉrã zuburia bꞌʉa! ¿Mʉrã kꞌaiba ẽdrʉbiipe mʉ kꞌakuaba mʉ aduabiita beaita nʉmʉrã?
Mʉã kꞌãrẽ obꞌʉra kꞌawua ẽã mʉã krĩñata okꞌaba, awuarabʉrʉ mʉã krĩña ẽãta obaria.
Maʉ̃ba bʉ zhãrã jara bꞌʉra bedꞌea ne ẽãne bꞌarãrũã, bʉa awʉrʉta jarabʉrʉdꞌera bʉzhikusa jarabʉrʉa, bʉa zhãrã jara bꞌʉta abꞌaʉta obꞌʉdꞌeba.
