14 Nokꞌo Jesúsdꞌeba mʉã kꞌawua bꞌʉra miã kꞌãrẽta ne mitiara ne ẽã izhikusara. Mawũãmina iabꞌaʉ krĩchama kꞌãrẽta ne mitiabʉrʉ izhima mawũã bꞌʉa.
Iabꞌaʉma ne jõma kꞌosia bꞌʉa, waya dewaraubara bia kꞌawua ẽã ĩjã bꞌʉbara bari kꞌo bꞌʉa ne udꞌebemata.
Mawũẽ mawũãsia: Marãbara kꞌawua bꞌea judíobara sãwũã igarata ãĩbemata orraira, mawũãmina Daizezeba mʉãã ũdubisia miõta jara ẽbamarẽã ne mitiata.
Mawũãmina iabꞌaʉba kꞌãrẽ izhima kꞌo bꞌe ẽãta kꞌora izhikusa bedꞌea baraya bigata o ẽãba izhi krĩchama. Jõma kꞌãrẽ dazhi krĩchama biga ẽãta obʉrʉra kꞌazhirua.
Daizezeba zhãrã bia erunʉmʉta ãrĩrãrũã zhikoba. Wãrãnebai ne jõma nene ẽã. Mawũãmina biga ẽã kꞌãrẽ kꞌobʉrʉba awʉrʉrãta bꞌaebiira.
Maʉ̃rãbara ũdusidꞌa Jesúsba jʉrʉkuadꞌata ʉ̃kʉrʉ juwua mitia nekꞌo kꞌobꞌeta ãzha obꞌe kĩrãkꞌa juwua surrua odꞌa ẽãba, mawũẽ bĩ ẽã jarasidꞌa.