24 Marãta olivo meãbema taeta bꞌʉatukuape olivo biata zhi uma kꞌarakuasibʉrʉ, ¿judíorã audrebai arimaẽ kꞌarakuai ẽka zhi olivoma?
Ewari nawedꞌara marãbidꞌa Daizezedꞌebema aribꞌaedꞌa ẽbasia, mawũãmina idꞌira marã sozuburia nʉmʉã judíorãba aribꞌaedꞌa ẽãba.
Judíorã Cristodꞌebema ĩjãna ẽãba bꞌʉatukuadꞌaba ĩjãnarã arimaẽ kꞌarakuaya, Daizezera zhi zroma wakusa arimaẽ kꞌarakuaira.
Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.
