Romanos 11:17 - Porciones del Nuevo Testamento

¹⁷ Bakuru olivo zhi ura judíorãã. Cristodꞌebemata ĩjãna ẽãba Daizezebara ʉ̃kʉrʉ bꞌʉatukuasia olivo zhi u taera, mobe marã judíorã ẽãta olivo meãbemata bꞌeta mama kꞌarakuasia, judíorã zhi kꞌarradꞌebemata erunʉmana kĩrãkꞌa aramaʉ̃ne marã Daizezebara bia erunʉmʉã olivo kꞌarra bꞌata biadꞌe kĩrãkꞌa.

Romanos 11:17 交叉引用

Juan 15:2

Jʉ̃kꞌara mʉ kꞌarradꞌebema zhi zau ẽãrã izha tiaweya. Mawũãmina zhi zaubʉdara zhi tae seri ẽãtrʉ kꞌõkua araa oya audre zaumarẽã.

Mateo 21:43

Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.

Hechos 2:39

Daizezeba Jawurebia diaya adꞌara marãĩtabema, marã warrarãĩtabema, zhãrã wawara bꞌeitabema, Daizezeta Nokꞌoba trʉ̃kuabʉrʉitabema.

Juan 15:6

Mʉ ũme bꞌʉ ẽãrã ãĩ bꞌʉdꞌaya uva jʉ̃kꞌara zau ẽã kĩrãkꞌa. Bagui jʉrepe tebʉdꞌe pepekuabada, mawũẽ eradrʉbaria.

Juan 15:1

Mʉrã wãrĩnu uva kꞌarra, waya mʉ Zezera zhi akʉbaria.

Romanos 11:24

Marãta olivo meãbema taeta bꞌʉatukuape olivo biata zhi uma kꞌarakuasibʉrʉ, ¿judíorã audrebai arimaẽ kꞌarakuai ẽka zhi olivoma?