Mateo 8:26 - Porciones del Nuevo Testamento

²⁶ Mawũãnaĩ izhara mawũãsia: ¿Kꞌãrẽã pera kꞌobꞌe? Marã soidꞌu kꞌobꞌaita wãẽã bꞌea. Mobe piradrʉpe kẽãsia nanguta, do bomatʉta, mawũẽ jipa taukua nʉmaẽdasia.

Mateo 8:26 交叉引用

Mateo 6:30

Chirua idꞌi meã takeradꞌata nunebai tebʉdꞌe babuebadata Daizezeba mawũã zhobi bꞌʉra, ¿marã audre zhobigai ẽka, awuarabʉrʉ soidꞌu bꞌeaita wãẽã duanu ẽka?

Romanos 4:20

Izhara ĩjã ẽã nʉma ẽbasia Daizezeba diaya abʉrʉra, awuarabʉrʉ soidꞌu ĩjãbʉrʉba ibia jarasia Daizezera.

Mateo 16:8

Jesúsbara maʉ̃ta kꞌawuape mawũãsia: ¿Kꞌãrẽã mazhirãĩnu bedꞌea kꞌobꞌe, marã soidꞌu kꞌobꞌaita wãẽã bꞌeba pan ne ẽãta jara kꞌobꞌe ẽka?

Mateo 8:27

Mawũẽ bia akʉdrua mawũãsidꞌa: ¿Naʉ̃ kꞌaipe kꞌãwũã nanguba do bomatʉba izhi bedꞌeata aribꞌaebʉdara?

Mateo 17:20

Mawũãnaĩ Jesúsbara mawũãsia: Bꞌedꞌa ẽbasia marã soidꞌu kꞌobꞌaita wãẽã bꞌeba. Mʉã wãrĩnu marãã jaraya, mostaza ta wĩka kĩrãkꞌa marãta wĩkabidꞌa soidꞌu bꞌebʉrʉ kꞌatuma za nʉmʉã mawũã bꞌedꞌaya: Namaʉ̃bara zawa kꞌobꞌadꞌe wãrũã, mawũãnaĩ kꞌobꞌadꞌe wãña. Aramaʉ̃ne marãĩtara kꞌãrẽ obꞌe ẽãrã ne ẽbaya.

Lucas 4:35

Maʉ̃ne Jesúsbara kẽã mawũãsia: Chupearua, kꞌãʉ̃nebara ãĩ wãrũã. Mawũãĩ jaibara ãzhi ẽsadra bꞌaebipe maʉ̃nebara ãĩ wãsia puo ẽã.