14 Marã bĩ ẽã obʉdata marãba bedꞌea ne ẽãne edadꞌara, marãba bia ẽãta odꞌadꞌebara marãsidꞌa bedꞌea ne ẽã bꞌʉkuaya marã Zeze ʉ̃trebemabara.
Marã zhiwidꞌi kꞌobꞌedꞌera bedꞌea ne ẽãne edaudua iabꞌaʉ bawara bĩ ẽã bꞌebʉrʉ, marã Zeze ʉ̃tre bꞌʉbidꞌa marã bedꞌea ne ẽã bꞌʉkuamarẽã marãba bia ẽãta odꞌapeadꞌata biodꞌeba.
Zhãrãta kꞌawua odꞌara Daizezebara marã maʉ̃ zadꞌe kꞌawua oya, zhãrã sãwũã obʉda zadꞌe oya.
Daiba bia ẽãta odꞌadꞌebara daira bedꞌea ne ẽã duanebirua, daiba bedꞌea ne ẽãne edabada kĩrãkꞌa dai bĩ ẽã obʉdata.
Sobiaudua zhãrã sozuburia bꞌera, mawũãrã Daizezebara sozuburiaya.
Zhãrãta kꞌawua orãũdua, mobedꞌeba Daizezeba marã maʉ̃ kꞌarea kꞌawua o ẽã. Zhãrãta bedꞌea bara bꞌʉa arãũdua, mobedꞌeba Daizezeba marã bedꞌea bara bꞌea a ẽã. Marã bĩ ẽã obʉdara bedꞌea ne ẽãne edaudua, mawũãrã Daizezeba marã bedꞌea ne ẽã bꞌʉkuaya.
