48 Maʉ̃ba marã kĩrãẽpa zhãrã kʉãgꞌa bꞌeaudua, marã Zeze ʉ̃tre bꞌʉta kĩrãẽpa zhãrã kʉãgꞌa bꞌʉ kĩrãkꞌa.
Mawũẽ zhãrã sozuburia bꞌeaudua, marã Zezeta zhãrã sozuburia bꞌʉ kĩrãkꞌa.
Ne kꞌawa bꞌʉra audre bꞌʉ ẽã izhi ne jaradia nʉmʉ kꞌãñabara. Mawũãmina izha kꞌawa nʉmʉ jõma kꞌawatrʉ izhi ne jaradia nʉmʉ kĩrãkꞌa bꞌeya.
Aramaʉ̃ kĩrãkꞌa ʉ̃nata marãneta ʉ̃nabiudua zhãrã kĩrãbita, aramaʉ̃ne marãba biata obꞌeta ũdudꞌamarẽã, maʉ̃neba ibia jaradꞌamarẽã marã Zeze ʉ̃tre bꞌʉta.
Mawũãrã mazhi Zeze ʉ̃tre bꞌʉ warrarã baya. Izhara izhi ʉ̃madaura ʉ̃tʉ zebi bꞌʉa bia ẽãta bꞌe ʉ̃rʉ̃, biata bꞌe ʉ̃rʉ̃. Kue zebi bꞌʉa biata bꞌe ʉ̃rʉ̃, bia ẽãta bꞌe ʉ̃rʉ̃.
¿Bari mazhi mebẽrãtrʉ saluda bꞌeaibʉrʉ kꞌãrẽ biata obꞌe? ¿Mawũã duanu ẽka Daizezedꞌebema kꞌawuadꞌa ẽãsidꞌa?
