12 Maʉ̃rã zhi jʉresidꞌa nokꞌorã bawara, mobe krĩcha abꞌarika zedꞌape plata bio diasidꞌa soldaorãã.
Mawũãĩ krĩcha abꞌarika zekuasia izhi bawara. Mobebʉrʉ Jesúsba zokꞌakuadꞌara trʉ̃sidꞌa, mobe ubidꞌape jarasidꞌa jaradꞌa ẽbamarẽã Jesúsdꞌebema, mobebʉrʉ ẽna panʉsidꞌa.
Mawũẽ sacerdoterã nokꞌorãbara, fariseorãbara, nokꞌorã wagꞌaurãta ãba jʉredꞌape mawũãsidꞌa: ¿Kꞌãrẽta odꞌaipe? Jesúsbara bio onʉmʉã ũdudꞌakꞌata.
Mawũẽ fariseorã wãnape krĩcha jʉrʉsidꞌa Jesús beadꞌaita.
Wũẽrãrã wãbʉdaedꞌa, soldaorã ʉ̃kʉrʉ pʉwʉrʉedꞌa wãnape sacerdoterã nokꞌorãã jõma nebʉrʉsidꞌa sãwũã berabꞌaribʉrʉta.
Maʉ̃nerã mawũãsidꞌa: Marãbara mawũãnaña: Izha jʉrʉkuadꞌata diamase zedꞌape Jesús kꞌakuara zrʉgasidꞌa dai kꞌãĩgue nʉmʉẽna.
