31 Ãzhima sewakꞌau bꞌʉdꞌeba mawũã jirpanape wua granate ãnebꞌaribidꞌapeadꞌara wẽãnape izhi wuata ãnebꞌaribisidꞌa, mobe edesidꞌa cruzdꞌe kꞌachidꞌaita.
Pʉwʉrʉdꞌebara ãĩ ededꞌape mongꞌaraba tabꞌari jidasidꞌa, sewa nebʉrʉ ji kꞌobꞌebara ãzha wua ãnebꞌari bꞌera wẽãnape kũrã jẽrũ kꞌaita bꞌʉsidꞌa akʉmarẽã, maʉ̃ Saulo basia.
Aramaʉ̃ne jirtopota uvadꞌebara ãĩ jʉretadꞌape beasidꞌa.
Mobebʉrʉ maʉ̃ izha jʉrʉdꞌaa mawũãsia: Kꞌãʉ̃ bʉ papaa. Maʉ̃ ewadeba izha jʉrʉdꞌabara zhi papa kĩrãkꞌa erubꞌasia izhi dedꞌa.
Aramaʉ̃ne Pilatobara Jesús ãzhaa chãbꞌaribʉrʉta soldaorãã chãbꞌarisia cruzdꞌe kꞌachi beadꞌamarẽã. Mawũẽ Jesús edesidꞌa.
Aramaʉ̃ne mʉrã chãbꞌaridꞌaya judíorã ẽãta bꞌea, mʉrã ãzhima sewakꞌau bꞌʉdꞌeba udꞌaya, cruzdꞌe kꞌachidꞌaya, mawũãmina ewari ũbeadꞌe beudꞌata piradrʉya.
Marãbara kꞌawua bꞌea Egiptodꞌeba ẽzoadꞌata krĩcha fiesta obadata ewari ũmene odꞌaya. Mʉ Beubari Bape bꞌʉra maʉ̃ne chãbꞌaridꞌaya cruzdꞌe kꞌachi beadꞌamarẽã.
Ãzhima sewakꞌau bꞌʉdꞌeba mawũã jirpanape wua granatera wẽãsidꞌa, mobe wua izhidꞌeta jʉ̃bidꞌape edesidꞌa cruzdꞌe kꞌachidꞌaita.
