12 Sacerdoterã nokꞌorãba dewara nokꞌorãba ji kꞌopanʉnerã Jesúsbara panaʉ̃ ẽbasia.
Mawũãĩ Jesús chupea kꞌobꞌasia. Mawũẽ sacerdote wagꞌaubara mawũãsia: Daizeze zokꞌai bꞌʉ daidꞌu mʉã bʉaa jaraya, daia jaradua bʉta zhãrã Ẽdrʉbita Daizeze Warrabʉrʉ.
Bedꞌeata zhi bꞌʉmata le kꞌobꞌadꞌara mawũã bꞌasia: Iabꞌa oveja kĩrãkꞌa beadꞌe edesidꞌa. Izhi kꞌara kꞌõbari kĩrãbita oveja chupeabari kĩrãkꞌa chupeasia izhira.
Mawũãsiidꞌu Jesúsbara miã bedꞌea abꞌabidꞌa panaʉ̃ ẽbaera Pilatora biodꞌe kꞌawua ẽã krĩchasia.
Mawũẽ Pilatobara mawũãsia: ¿Bʉara ũrĩ ẽka sãwũã ne bio jara kꞌopanʉrã bʉ ʉ̃rʉ̃?
Mawũẽ ne bio widꞌisia, mawũãmina Jesúsbara panaʉ̃ ẽbasia.
