44 Mawũẽ ãmaẽkuabʉrʉta wakusa wãpe zhi ũbeata zhiwidꞌisia abꞌaʉ bedꞌeata jara.
Jesúsbara ne jarakꞌasia ewariza zhiwidꞌii baradꞌebemata poea ẽã.
Bʉ zhiwidꞌi nʉmʉnerã abꞌaʉ bedꞌeata jarama bio jararãrũã, Daizezedꞌebemata kꞌawuadꞌa ẽkĩrãkꞌa bꞌarãrũã. Krĩcha bꞌea abꞌaʉ bedꞌeata jarama bio jaratrʉ Daizezebara ũrĩ bꞌʉta.
Mobebʉrʉ wakusa zebʉrʉdꞌera kꞌãĩgue nʉmʉta ũdusia, dapeaba ãzhi dabʉra kꞌabꞌari erunʉmasia.
Mobebʉrʉ izha jʉrʉkuadꞌama zepe mawũãsia: Marã ya kꞌãĩbʉda, ya ẽnaʉ̃bʉda. Mʉ ewarira arababʉrʉa, mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe.
