30 Nezokꞌata seri ẽãrã bꞌaribueudua ãĩ pãrĩguadꞌe tebʉdꞌe, mama jẽgaya kidꞌa kꞌõsesea.
Mawũãmina Israel Daizezeta Nokꞌodꞌebemane bꞌeaidꞌe bꞌebara ĩjãna ẽãba jʉrekuaya ãĩ pãrĩguadꞌe tebʉdꞌe, mama jẽgadꞌaya kidꞌa kꞌõsesea.
Mawũẽ reybara ne aribꞌae nʉmeã mawũãsia: Jẽrũta, juwuata jʉ̃ũdua, mobe bꞌaribueudua ãĩ pãrĩguadꞌe tebʉdꞌe, mama jẽgaya kidꞌa kꞌõsesea.
Mobe pepekuadꞌaya tebʉdꞌe, mama jẽgadꞌaya kidꞌa kꞌõsesea.
Mʉ ũme bꞌʉ ẽãrã ãĩ bꞌʉdꞌaya uva jʉ̃kꞌara zau ẽã kĩrãkꞌa. Bagui jʉrepe tebʉdꞌe pepekuabada, mawũẽ eradrʉbaria.
Mawũãĩ mama tebʉdꞌe jẽgadꞌaya kidꞌa kꞌõsesea. Mawũã jẽgaira ũdudꞌaya Abrahamta, Isaacta, Jacobota, Daizezeba bedꞌeata jarabibarirãta jõma Daizezeta Nokꞌo maẽ ũdudꞌaya marã ãĩ bꞌʉkuadꞌe.
Mobe abꞌaedꞌa puoya, mobe bꞌʉya sewa bibaʉta bꞌe bawara. Mama tebʉdꞌe jẽgaya kidꞌa kꞌõsesea.
Marã tã kĩrãkꞌa bigata bꞌea druadꞌe bꞌerãĩta. Mawũãmina tã zhi kʉyata jõrã, ¿kꞌãrẽba kʉyaipe? Jipadꞌe seri ẽbaya, mawũẽ bꞌaribue panʉã biradigadꞌamarẽã.
Daizezedꞌera zagꞌara ya zhi aribꞌaema bakuru kꞌarradꞌe tukuaita. Mawũẽ bakuru bia zaudꞌa ẽãrã tukuape pepekuaya tebʉdꞌe. (Aramaʉ̃ kĩrãkꞌa Daizezebara pua kꞌawua oya kꞌazhiruata obadara.)
