13 Mawũãmina izhi ewarita jõñeẽna mʉta pẽwã bꞌʉra ẽdrʉya.
Jõmaʉ̃ba marã juradꞌaya mʉ kꞌarea, mawũãmina mʉta pẽwã zuburiata jõñiĩnu nʉmʉrã ẽdrʉya.
Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.
Mawũãmina ne ta pobʉrʉdꞌe egoro biadꞌe bꞌaedꞌara sobiadꞌe kĩrãẽpa Daizeze bedꞌeata ãzha ũrĩnane bꞌeta maʉ̃ã, aramaʉ̃ne eaba duane bꞌʉa baridua.
Marãbara zhõta ũrĩnaña namabidꞌa ãĩbidꞌa, maʉ̃nerã perarãũdua, maʉ̃ jõma mawũã berabꞌariibara, mawũãmina wadꞌi ẽbaya ewari nʉmʉta jõĩrã.
Bia ẽãta eababʉrʉba bioba zhãrã kʉãgꞌadꞌa ẽbaya.
Zuburiata zrogꞌa bꞌedꞌe ẽdrʉbidꞌaya mazhi jawurera.
