4 Wakusa nezokꞌarã dewaraurãta zokꞌabʉrʉta mawũãsia: Trʉ̃kuadꞌapeadꞌaa jaraudua mʉrẽ zhikora aribꞌaesita. Mʉãrã beabisia mʉ tororãta, mʉ nendʉwʉrʉrã boreguearãta. Mawũẽ jõma aribꞌae nʉmʉ baera zedꞌamarẽã jaraudua juwua jidayima.
Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.
Wakusa nezokꞌarã dewaraurãta audre zokꞌasia nabemarã kꞌãñabara, maʉ̃rã abꞌarika osidꞌa.
Daizezebara miã zhi Warrasidꞌa wããgꞌa ẽbasia, awuarabʉrʉ bebuidꞌu chãbꞌarisia dazhirã jõmaʉ̃bari. ¿Mawũẽ dazhirãã sãwũã ne jõma dia ẽbaipe zhi Warra bawaraua?
Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.
Nekꞌoita arababʉrʉdꞌera izhi nezokꞌata zokꞌasia izha trʉ̃kuadꞌaa mawũãmarẽã: Zeudua, ya jõma aribꞌaesidꞌa.
Mobebʉrʉ nezokꞌarã izhidꞌea mawũãsia: Juwua jidayidꞌebema wãrãnebai zhi aribꞌaema. Mawũãmina trʉ̃kuadꞌapeadꞌara trʉ̃kuaidꞌe bꞌa ẽbasia.
Mawũãmina trʉ̃kuadꞌapeadꞌara wãna ẽãbʉrʉ ʉ̃kʉrʉ wãsidꞌa ãzhi trabajoedꞌa, ʉ̃kʉrʉ ãzha kꞌãrẽ oi bꞌʉta oedꞌa.
