43 Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.
Mawũãĩ mawũãsidꞌa: Bia ẽãta bꞌera sozuburia ẽã makenaña, mobe uva izhidꞌera awʉrʉrã uvadꞌe trajabadaa arrendaya. Aramaʉ̃ne izhaa diadꞌaira diadꞌamarẽã uva bꞌʉabada ewade.
Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.
Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.
Mʉãrã Daizeze Jawurebiadꞌeba jaira ãĩ jʉrekua bꞌʉa, mawũẽ wãrãne marãma zea Daizezeta Nokꞌodꞌebemata.
Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita. Daizezeba mawũã osi baera dazhirãma ne bia abꞌʉ ẽka? (Salmos 118:22-23)
Iabꞌa maʉ̃ mongꞌara ʉ̃rʉ̃ bꞌaera bꞌʉgꞌʉzoaya, maʉ̃ mongꞌarata iabꞌaʉ ʉ̃rʉ̃ bꞌaera naʉ̃sãña.
