15 Mawũãpe wũãwũãrã juwua ʉ̃rʉ̃ bꞌʉkua zhiwidꞌipe wãsia mamaʉ̃bara.
Mawũãpe wũãwũãrã juwuadꞌe edape juwua ãzhi ʉ̃rʉ̃ bꞌʉpe ibia jarasia.
Mawũẽ Jesúsbara mawũãsia: Wũãwũãrã mʉma idu zebiudua, bueamarãũdua, naʉ̃rãne kĩrãkꞌa izhi krĩcha bꞌetrʉ Daizezeta Nokꞌodꞌebema.
Kũrãta Jesúsma zepe mawũãsia: Miã Ũrãgꞌabari, bʉra biata bꞌʉa, ¿mʉãrã kꞌãrẽ biata oi barape Daizeze ũme bꞌai jõ ẽãta erubꞌaira?
