35 Mawũãnaĩ kꞌabanata kꞌobꞌea jarasia jewedꞌa duanemarẽã egorodꞌe.
Mawũãĩ Jesúsbara mawũãsia: Zhãrãta jewedꞌabigaudua. Mamarã bio nʉmasia poajãrãta, aramaʉ̃ne cinco mil jewedꞌasidꞌa zhũmakĩrãrãta.
Mawũãnaĩ Jesúsbara mawũãsia: ¿Marãbara pan sõmbe erubꞌe? Mawũãĩ ãzhara mawũãsidꞌa: Erupanʉã pan siete, bꞌeda zakerãta ʉ̃kʉrʉ.
Mobebʉrʉ jiraedasia pan sieteta, bꞌeda zakerãta, mobe Daizezea zhibia jipe bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.
